如果反對派用搞人嘅時間做好工作,建制派應該唔會贏得咁順利

政治 / 最新文章綜覽

 

 

香港啲政治,真係低質到無人有,尤其是早兩日睇完邱吉爾套戲。

上個禮拜,被朋友M 批評為「喺柒嘅道路上愈走愈遠」、「撐定唔撐羅生門」最佳男主角、新東立法會補選反對派初選參加者(即係咁都唔算宣布參選的)張秀賢,出左張圖解釋左海麗邨清潔工潮背後嘅政商勾結,引來工聯會嚴厲反擊,並聲言保留法律追究權利,及後張生於大圍被襲送院,無乜大礙。

然後反對派做乜呢?工黨喺荃灣愉景新城嘅常敗名將(出名輸唔係名呀?!)趙恩來,唔係乘機向工聯會落井下石,而係喺張生嘅嘢度,好努力好辛苦咁鑽到一個空子,「噫!我找到了!」咁,仲茲事體大咁用埋工黨嘅FB PAGE 分享。

 

 

趙氏呢啲垃圾,對埋曬啲田北辰都老鼠拉龜,人地田二少爺,愉景新城無洗衣舖無吉野家,佢真係咁都拉攏到呢兩間嘢返來,你話啲當區居民點會唔俾票佢?你趙恩來做過乜嘢令人會俾票?口口聲聲話自己係反圍標專家呀?你係咁叻,新西就無曬啲圍標啦?得罪講句,「敗軍之將何以言勇」就係講呢啲人。即係好似項羽咁,一隊軍隊殺曬威曬,人地劉季「雞鳴狗盜」咩人都用,攞埋你個天下返來,你工黨自己已經節節敗退,僅有嘅餘力唔係拉攏可以合作嘅人,而係向已經柒到無人想理嘅張生地毯式找碴。

然後呢?然後就過癮了,既然你咁鍾意找碴,人地唔會找你碴喇咩?過多幾日大家發現,工黨早前聲稱幫海麗邨罷工工人籌款,發起嘅係「指明捐款」,籌錢俾罷工工人,丫,原來佢哋用得少少俾工人架咋,用剩就撥入所謂嘅罷工基金,下次用囉。

我真係讀得書少,今次學到野呀,你籌款嗰陣話係指定用途,然後用剩,原來係唔洗問過捐款人,就可以擅自咁自把自為,然後邊個鬧你邊個就係本土派邊個就係工賊邊個就係工聯會B 隊乜乜乜。

 

[婊揚好人好事]自從前日開始,專頁裡多了一班人跟我和職工盟在吵,起初我禁了幾個言,隔了一天後,我才發現原來他們根本不是來鬧事,而是來引導我思考,我想通了後,就開始感謝這一班導師了。首先,大家睇下第一個hater,佢同我講「英國罷工基金都…

Posted by 倫敦人妻先生手記 on 2018年1月11日

 

當反對派輿論機器,日日喺度鬧鄭若驊無恥知法犯法一上任就幫自己開file,其實反對派自己都係污糟邋遢,巧言令色文過飾非,出事就搵啲FD 嘅KOL 講兩句好話,穩住啲黃絲支持者就算。

不過咁,睇呢啲show 最過癮嘅係,反對派每次都以為穩住大多數,其實個根基,逐少逐少咁,開頭就係一個兩個人,然後一二十,一二百,呢啲人,永永遠遠,見到反對派嘅牌頭,就唔會再信你地一句說話。

和平真好。

 

專題:【立法會補選2018】

 

關於作者:白木乩

白木乩
聽聞係總編分身,專用來出D 與總編身份不符既膠文

則留言

閱讀後覺得好,請多多讚好及分享~:)

其他熱門文章

  • 琴日我第1次約PTGF,有感而發(利申23歲男) by losing her was blue
    話說前日放假,無聊係IG到禁下ptgf呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵…
  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • TVB 是大到不能倒 by 阿享
    香港有咩企業唔可執笠?公營企業,港燈、中電,煤氣?四大發展商?港鐵?港交所?你依家要我答,通通唔係。TVB先係最香港大唔能夠執笠嘅企業。…
  • 【塔羅個案】你身邊有無日日覺得自己懷才不遇嘅人? by 神婆
    你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。 …
  • 點一根煙,記梁天琦 by 程悅
    作為投過他和梁頌恆的新界東選民,我總想找回那夜曾支持他的六萬多人,大家現在是意氣消沉得不欲說話,還是早已恨透他的「懦弱」,變成在連登為他入獄而喝采的人?我寧願相信,大家只是對現實無語,像面對抑鬱病人,了解的盡頭反而吐不出半句安慰說話。…
歡迎讚好我們的facebook page,免費資訊源源送上。