琴日我第1次約PTGF,有感而發(利申23歲男)

 

話說前日放假,無聊係IG 到禁下ptgf 呢樣野睇下。我就咁睇,行個街,睇場戲,全部都收人幾百蚊個鐘。但我見到個tag有成4萬幾個post。係個刻,我就知道,原來真係有人會幫襯。係到我想講句,多謝哂你班仆街毒撚/9公係到成日頂爛市,做壞規矩,寵壞哂d港女。當然,我琴日就係其中一個呢啲仆街。好啦,我想講,其實我係出於好奇,又有小小恨拍拖既心態,又咁岩前排公司送左4-5日人工比我,咁多左筆錢,咪試玩下囉。

講下我本意先,其實我淨係想約出來玩下,原來係想去AIA 玩下,跟住食個飯就走人,係咁多。我冇諗過要搞野,因為佢地收好貴,然而想搞野,我自己都識好多方法可以去叫雞。所以如果我想搞野,我係唔會搵Ptgf。
我既要求好簡單,只要唔太差,可拖可攬就得,就係咁多。 如是者我就開始出msg去搵啦。正文開始!!!

我諗前前後後sd左比4/50個ptgf啦。有回覆既,大約有1/3。到左琴日,我自己仲好猶豫,係咪真係要哂千幾蚊去試d on9野。哂埋d無謂錢。
到左琴日一兩點左右啦,有其中一個覆我。我見個價都接受到,咪就諗住約實呢個囉。係ig既對話過程,我冇問過佢幾歲/咩身材/換相等等既問題。大約到2點左右,佢問我話想約幾點。我就計一計d時間。就同佢講,5點見啦(5-9)我而家落去食個飯。
咁我就落去食完個飯,食左幾枝煙,到左大約1530左右,我就返屋企整野啦。
畢竟都叫做約左女丫,執靚小小啦,gel左頭,換套靚d既衫,大約到左1610左右啦,我出左門口答車啦。同時佢都msg我佢都出門口啦。

坐到仲有2/3個站就到個陣,我開始驚驚地,如果佢真係唔得既呢?心諗:彈鐘?賴皮唔認數?放飛機……….如果係背睇跨啦啦,近睇小那媽呢?唉~我同自己講,算啦~系冧啦,大不了跌一舊水叫佢走。
過左1陣,佢同講佢到左,問我到邊,我同佢講,仲有1個站到。我問佢幾歲,好彩!佢都有20歲。我都接受到既~
好啦,到我真係到左啦,佢就再問我咩出口等,我睇一睇,就話不如近住某出口既7仔等啦,跟住我自己就入左7仔買枝野飲。過程中,都有幾個妙齡少女入過來,我心諗會唔會係呢個/果個???
由於我始終都抱住一個彈鐘唔比錢既心態,我買完野後,我決定左企係7仔對面既位置望下先。到左5點啦,佢話佢到左,我就問佢著咩色衫,點知,佢反問返我先,又同我講佢自己到左7仔門口….ok fine! 我可以9up既姐,我著白色(明明係灰色)
好啦,我係遠處望到7仔門口得幾個人,咁好易估姐我諗,我行到去7仔,入去買包煙,順便睇清楚,點知,我淨係見到一個幾靚女既姐姐企左係度(我估呢個有可能係)但我再諗真啲,下~佢話佢20歲咋喎,呢估點睇都似大過我啦,姐姐來既喂。
係呢個時候,條女又問我到邊,我話我已經係7仔門口,佢答:「你頭先望住個個咪我」
我心諗,其實我都覺得係,咁好啦,就咁睇,都幾得丫,唔洗彈鐘啦,唔洗做衰人啦。我就行埋去講Hey excuse me!
佢話哦~要同你講英文架?我話唔係,其實我識中文既。不如我地出左閘先啦。

咁我地出左閘之後,咁開始傾計,佢冇啦啦同我講話佢來緊想去澳洲,岩啦,我就係係澳洲返來。呢個話題,開正我個範。
我出到室外,我第一時間就拿拿聲拎煙出來點啦。佢就話,嘩~好彩你都食煙既姐,我幾驚你會唔中意丫。食完煙之後,
我:可唔可以拖手
佢:可以丫
就咁樣,我地一路拖住手行去AIA。

到左AIA門口,諗住買飛啦。我頂你個肺!!
個場比人包起左,冇得去。我個下心諗,仆街啦!要即刻諗下仲有邊度可以去。佢不停咁同我講sorry話佢都唔知會咁樣。但其實我自己都有責任去check既~
呢個時候有架雪糕車係到,咁佢話佢想食,咁咪去買囉,我見佢拎錢出來,
我就話:乜你諗住請埋我食丫?
佢:冇所謂丫。
我:謝謝老闆(用普通話講)
係呢個食雪糕既過程中,我地係到傾計。大部分時間都係由我做主導,我就不停咁講下自己去旅行既經驗,係工作上既小故事同埋去唔到AIA 我地應該去邊好等等既野。
我:其實你可以講下你自己既野
佢:咁想知啲咩?
我心諗:我屌你老鼠咩,你問返我,我係想你搵野講丫!醒D啦喂!
跟住佢就好主動咁關於佢EX既野。我地一路行,一路傾,去到IFC行左陣,諗住睇戲,點知,啲開場既時間就唔岩,所以冇睇到。繼續行下,跟住去左買杯野飲,佢突然講起溝仔經,所以我地既互動多左好多。同時,係呢段時間,我地就決定左去TST 行下。

咁答地鐵去啦。咁好快就到左。就去左K11附近行下。其間佢突然咁問
佢:你有冇送過花比女仔?
我:緊係有啦,我老母囉!唯一一個
佢就講出,佢好耐冇收過花
我:想收花咋,好易姐,個度咪有花囉(指住個草叢)
佢:好丫,你擇比我丫。
我:算啦,講下笑姐。我唔想比人告刑事毀壞。
因為咁,冇野做既我地,決定左去花店買花。
我:其實你都係想滿足下你既虛榮心姐。難聽d講,你轉個頭都係dum左佢架啦
佢:緊係唔係啦。
我:你唔係諗緊同我講,你會拎返屋企種掛?
佢:我會拎返屋企,等佢謝左,收花乾,可以做裝飾(大約係咁啦,我都唔記得佢點講啦。總知佢有用啦)
咁我地後來經過一間超市,見到大花賣,就入左去睇。
其實我好唔想買,因為我覺得買花好無謂。哂埋無謂錢。再者以我既認識,一棵花好似都要成千銀。
入到去睇,有棵幾靚既(應該係玫瑰),我睇得出佢好想要。係呢個時候佢竟然問我邊棵靚D丫?
我:我都唔識分,是但拎起手一棵就係左啦!
佢揀左陣,就揀左棵紅玫瑰,跟住就排隊比錢。好彩,呢棵野$220蚊姐,買比佢囉!反正預左係AIA 要洗既錢都冇洗到。
買完之後,我地大家都唔係好熟路,但又要搵某一間餐廳,雖然搵唔到,但見到格離d餐廳,全部都要等,都係再睇過。
係呢個時候,佢突然間講左句
佢:不如我地食茶餐廳啦,雖然我唔肚餓
我:是但啦,反正我又唔太肚餓
係呢個moment我好感動,佢竟然話食茶記。我明明仲諗住食飯個陣會最少幾百蚊埋單架嘛。爽啦。而家可以慳返
但由於茶記既地方淺窄,我預計都啦會係入面坐得耐,所以我地都係唔食啦。
跟住,佢帶我去九龍公園附近到坐,係呢個時候都其實接近尾聲,呢段時間入面,我地傾左d比較入心既問題
例如佢點會做呢行?我點解會約?佢有咩難處?我之後既去向?
其間我都講出我約佢既目的,我自己都覺得好無謂同哂錢,好似用錢識朋友咁。另外佢又話覺得我好好,因為對上2個都係約睇戲,令佢覺得好悶,冇野講
同佢討論一下呢個話題,突然間佢話想行下,跟住就拉左我入個暗位~
佢:9點啦,我要走啦(好溫柔咁講)
我:咁好啦88
我就一個轉身諗住走啦,行左2/3步
佢:等陣丫!
我轉個身問:咩事?
佢:未比錢~
講明先啦,我冇心走佢數既
我:oh sorry我自己都唔記得左,你拎去一陣同朋友飲野啦,我走啦,自己搞店啦。
佢:其實呢~(佢既難言之隱)(屋企問題。)
我feel到佢好似有種唔捨得,有小小想喊咁。
講多2句
我:咁我可唔可以攬一下?
佢:可以丫。
我就攬住左佢,2秒左右啦,我諗~
我:咁我走啦88 有機會再啦,雖然未必有下次,我都試,我想感受到既都得到左啦88
佢:88
我:希望下次再見既時候唔會再係呢個身份。
我就轉身走左,落左地鐵站。
返去既過程中,係到回想頭先呢個鐘做左d乜?$1500 值咩
我想感受個一份好奇心,我感受左,想扮情侶行街,都做左。
但講到尾,佢只係ptgf 即使佢好靚女,我對佢都冇乜感覺,即使佢好溫柔。
始終我地講既話題本來就係真情侶唔會講既野。我地2者之間亦有好多避忌。始終冇一種戀愛既感覺,再者其實我都覺得係過程入面大家都講左好多大話,都係個句,佢有佢既難處。因為由頭到尾都只係,扮野,做戲。
雖然我好想識佢,再同佢出去,但我已經唔想再比錢去搵佢。用錢搵朋友,我真係過唔到我自己。
我好希望,下次如果再有機會搵佢既話,唔會再你一個咁奇特既身分!

經過左呢一日,我發覺原來Ptgf呢樣野真係存在。原來真係有好多傻仔去比錢,包括琴日既我!所以我而家覺得,係街上見到既情侶,都可能係個假象,係ptgf。

 

關於作者:losing her was blue

則留言

閱讀後覺得好,請多多讚好及分享~:)

其他熱門文章

  • 愛男友,請愛埋佢屋企人 by 小盛女
    「有無人要食麵啊?幫你地夾。」Mike大喊。「使乜幫佢地夾,佢地無手o架?」Brenda黑面說。Mike即時怔了一怔,他從沒想過這麼簡單的舉動會令Brenda爆seed。「都係順便姐,大家一家人,我幫你夾埋喇。」Mike盡量壓抑自己的情緒,…
  • 應如何對待男友嘅朋友? by 小盛女
    晚飯後她又教大家玩大學時O-Camp的集體遊戲,很快便和Mike的朋友們混熟,特別是男性朋友。玩遊戲少不免有些身體接觸,Mike都一一看在眼裡,他最怕就是看到這些疑似抽水的行為,出聲唔係唔出聲又唔係,自己女友又鬼死咁主動,同人玩得鬼死咁盡興…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。