木頭癡淺談實木傢俬——貯舢舨好過買樓?淺談船木傢俬

 

上次介紹左一啲市面上比較普遍嘅實木傢俬,今次要介紹一種相當另類嘅實木傢俬——船木傢俬,一般嚟講,實木傢俬嘅價格大致上都喺以原材料同造工嚟決定價格。但船木傢俬喺實木傢俬界就不屬於此類,顧名思義,船木傢俬係用木船嘅木頭製作而成,而造船嘅木材種類繁多,造一條船就分分鐘用上十幾種木材。所以好多時船木傢俬嘅木材都唔一定係昂價木材。但船木傢私嘅價格比好多用上高級木材嘅實木傢俬為高。船木傢私更可以話係實木傢私界嘅頂級界別之一。咁到底船木傢俬有咩咁特別嘅地方?

 

位列實木傢俬中最頂級系列的船木傢俬

 

船木傢俬嘅原材料全部都係取自退役船拆落嚟嘅木頭,依種木頭嘅特別之處在於經過海水、海浪嘅天然沖刷同浸泡,就好似將塊木自然醃製,令木頭嘅質地同密度都有徹底嘅改變,最後成為左一舊防水防蟲,地上最堅硬嘅木頭,而依種木頭係歸類成再生木材之列。如果你喺市面上見到有船木傢俬賣,你可以嘗試用人力抬下佢,你就會知道佢嘅密度同重量同一般實木傢俬有好大分別。

係觀塘嘅實木傢俬店Howe Furniture & Cafe 中,有一張真品船木傢俬。我親自問過店員依張傢俬嘅來源,原來係一名老顧客寄賣喺店入面,而依張船木傢俬嘅價錢,絕對唔係一般人會選購嘅價格。

 

有興趣可親身去Howe Furniture & Cafe 觸摸一下船木傢俬嘅質感

 

隨著科技發展,木船已經成為過去時代嘅產物,船木傢俬嘅原材料都漸漸變得稀少,而利用船木製造出嚟嘅實木傢俬都係獨一無二嘅孤品。物以罕為貴,令船木傢俬成為有價有市嘅頂級傢俬系列。

 

船木傢俬每一件都係獨一無二嘅孤品

 

但隨著愈嚟愈多人認識船木傢俬,就出現左好多人去製造膺品企圖以假亂真。一般買家要分辨真假幾乎係無可能嘅事,所以船木傢俬成為左一眾木頭收藏家嘅小眾玩意,船木原本嘅傷痕、溝壑、孔洞甚至海水沖刷嘅痕跡都係令收藏家著迷嘅地方。除此之外,價格問題都係令船木傢俬喺一般嘅實木傢俬市場並唔算係熱門嘅選擇。反而係古董界別係一種熱門嘅收藏品。所以如果大家想貯定啲有升值潛力嘅野,不妨係海邊搵下有無沉左嘅木船或者買返幾條舢舨,假以時日分分鐘升價幾千倍架﹗(笑)

 

參考資料:https://www.facebook.com/HOWE.hk/

 

關於作者:木辛

則留言

閱讀後覺得好,請多多讚好及分享~:)

其他熱門文章

  • 雞之報應 by 霏子
    二零一四年嘅春天,阿海同阿琪仲讀緊Year_One,阿海仲未識到Miki,同阿琪仲係好friend。嗰一年,佢地見證咗一場悲劇,阿海稱為「雞之報應」。 …
  • 地鐵 by 李天恩
    生活在香港這樣的都市,女孩子們基本上都能從對方的衣著、裝扮、服飾及姿勢態度上得知許多資訊,從經濟狀況到住在哪一區,大致都能看得出來。我瞄了瞄自己的手腕,同時察覺那兩位女孩都偷偷督向我左手配戴著的卡地亞手錶,這隻手錶一般不是我這個年齡的女生有…
  • 我係搞手我係狗(二)——「啲女係咪處?」 by 霏子
    屌,我知你有畀錢,但都唔使咁過份,問埋我啲女係咪處㗎?我班女都係畀同一個價㗎咋,咁佢地係咪又可以要求你有超強御女術呀?呢條友真係當正我係媽媽生。最後,我冇追問佢嚟唔嚟,而佢都係嚟咗。…
  • 罷買萬寧真的可以嗎? by Terence Yun
    或者有一些參考,就是日本麥當勞的經歷。當年因為福喜事件拖累,日本人不再喜歡麥當勞,對其感觀以及服務給予堅決的說不,使日本麥當勞經歷過最嚴重的業務衰退,曾經大蝕347億日元,關掉160家門市,寫下進軍日本45年來最慘的業績。但到去年,該公司業…
  • 世上有種自虐,叫stalk男友和他的前度 by 預妍
    為左可以stalk到想stalk既嘢,可以去到幾盡?有朋友試過開Fakeaccount去加男朋友前度既Facebook同IG,有朋友試過為左搵佢地相愛的經過由男朋友Facebook2015年即係依家碌到去盤古初開,有朋友為左stalk男朋友…
歡迎讚好我們的facebook page,免費資訊源源送上。