【塔羅個案】後生女教友畀已婚傳教士搞大個肚唔認數

文教 / 最新文章綜覽

 

喺開始講呢個 Case 之前,我要強調我對任何宗教都抱住尊重嘅心態,亦唔係想中傷任何教會或者宗教組織;喺大家睇到呢篇文嘅時候,故事嘅女主角 Mia 已經健健康康咁離開咗香港,不過佢臨起行之前,佢話想我將佢嘅個案寫出黎,套用返佢嘅講法,就係「就算喺教會當中都會有機會遇上魔鬼嘅試煉」;另外,亦希望大家唔好將重點擺去「基督徒點解會黎占卜」呢一方面,對於我黎講,呢個係人地嘅選擇,唔好黎完問牌轉頭鬧我,就係好客人了。

咁,Mia 口中嘅魔鬼試煉,又係點樣嘅一回事?

那年十八,Mia 正值青春年華。Mia 成家都係基督教,因為屋企搬屋,Mia 連教會都轉咗去近新居嘅分堂(同屬以前教會個組織)。咁暑假無乜嘢做,Mia 就成日返教會幫手搞下活動,經常出入會堂之下,好快就同該教會其中一位傳教士 Roy 相熟起來。

Mia 對 Roy 充滿信任,覺得佢係一個好有責任心嘅人。Roy 就黎四十歲,全職於教會中工作,結咗婚幾年,無小朋友,於教會當中人緣很好,大家都覺得佢係好好先生,聰明而努力。

所以 Roy 每次約自己食飯或者去街時,Mia 都無太大疑心。Roy 帶佢食 Jamie’s Italian,帶佢去蘭桂芳見識,Mia 人生第一杯含酒精嘅 Cocktail,都係 Roy 幫佢 Order 的。

「已經 18 歲,妳已經係小女人黎架啦。」

縱使 Mia 半分醉意,佢都永遠記得 Roy 微笑托住下巴同自己講嘅呢句說話;佢亦都永遠記得,當時自己塊面好紅,當時自己個心,跳得好快。

Mia 覺得自己對 Roy 嘅感情開始有少少變化,不過,對方結咗婚,自己唔應該鍾意人;所以 Mia 開始迴避 Roy,拒絕佢嘅邀約。

直至某日。

Roy 一手將 Mia 推入儲物室,激動咁奪走佢嘅初吻,「點解你要避開我?」
「……你有老婆的。」
「我老婆出面有第二個,佢話要同我離婚,而家連妳都唔理我,我得返自己一個人,妳忍心咩?」

我好記得 Mia 喺我舖頭講到呢度嘅時候,突然有少少失控咁笑咗出黎,同時,眼淚如泉湧。我唔知應該比咩反應,佢嘅故事令我痛心,當然,你可以話佢傻妹,但係一個溫室長大、讀名校返教會嘅 18 歲單純妹豬,比同齡嘅女仔一定係更加天真,同埋更加思想簡單。

由於當時我其實已經幫 Mia 開左兩條問題嘅牌,我知道 Roy 從一開始就係立壞心腸、見獵心喜咁樣接近 Mia;所以,從 Mia 口中聽到 Roy 嘅言語,我個心非常反感難受。

Roy 同 Mia 講自己婚姻有問題,即將離婚,但係 Mia 嘅出現,令佢再有愛情嘅幻想,佢想同 Mia 一齊。Mia 無太大懷疑,甚至喺心中暗罵過對方太太,好似 Roy 咁好嘅老公,點解都可以出面偷食。

兩個月過去,Mia 喺 Roy 生日嘅前一晚,同佢進入咗時鐘酒店,將自己第一次,交咗比 Roy。Roy 同佢講,基督徒其實都可以有婚前性行為,只要雙方相愛就可以;Mia 完全相信,為自己得到 Roy 嘅愛情而興奮,為自己成為真正嘅女人而激動。

「去開房,有第一次,就有第二次;有時情急上黎,Roy 會唔用套。」Mia 下意識將手擺喺自己腹部上面,「第三個月,我發現自己無黎 Period,我同佢講,佢話唔駛驚;我開始食唔到嘢,有時又好肚餓,我叫佢陪我睇醫生,佢又話唔得閒。」

最後,Mia 好驚,搵咗個好姐妹陪自己睇醫生。

結果出黎,當然是懷孕了。

Mia 打比 Roy,對方 Cut 線;衝去教會搵 Roy,Roy 以一種好生疏嘅態度同佢講嘢,事不關己咁。正當 Mia 滿心恐懼時,Roy send 咗句短訊過黎:

『我有權懷疑你個肚唔係我的,總之我唔會想要小朋友,我亦唔會離婚,妳自己處理,我最多比錢你去落。你唔好喺教會亂講嘢,睇下佢地信邊個。』

Mia 好想嘔,好想衝出馬路一了百了,祈禱同天父講?唔得,自己已經一錯再錯難以回頭,點算?落仔?自己?未婚懷孕呢啲事,唔係淨係好似 Daddy Mammy 話咁只會喺「讀唔成書嘅 MK 妹身上發生」架咋咩?點解勤力讀書、操行又好嘅自己,會發生啲咁嘅事?

當時陪佢睇醫生嘅好姐妹,覺得事態嚴重,將呢件事同 Mia 嘅父母講咗。父母盛怒、悲憤、失望……呢啲情緒相信唔駛我多講,大家都能夠想像。不過慶幸佢地都係重視女兒嘅父母,一方面安排婦科醫生比 Mia,另一方面,佢地將 Mia 電話裡面嘅短訊截圖、Roy 嘅合照等等資料整理好,搵埋律師去見教會組織嘅高層。

天下間無秘密的,件事好快喺教會間傳開去;Roy 好快就失去佢嘅工作,佢一直被瞞在鼓裡嘅好太太,今次真係準備離婚了;至於 Mia,就陷於愧對天父、愧對父母嘅痛苦同羞愧入面,覺得全世界都笑緊同指責緊自己。

墮胎嘅呢個行為,更加係令佢難受非常。

但最難受嘅,係 Mia 真係愛過 Roy;愛上這樣的一個人,Mia 的自我評價,跌到了谷底。

父母見到 Mia 咁樣,事不宜遲地為佢安排出國事宜,咁啱外國又有阿姨可以照顧佢,於是 Mia 第二次黎搵我嘅時候,已經係出發嘅前一日了。

我望住 Mia 總算精神少少嘅臉孔,「身體會有不適嗎?」
「有時會覺得自己好污糟。」Mia 細細聲答,「但係,我會學習睇開啲。」

我點點頭,不置可否。至少知道 Mia 去外國後生活大致上是不錯的,只望佢唔好再遇人不淑,用新生活令佢振作返起來吧。

 

【塔羅牌個案分享】

「我想分手,佢話唔好,不如去開房;然後我覺得佢仲愛我」

你話想生仔我咪唔避孕囉,我家下有咗你就叫我落?

著名大學 Year 1 學生問「我點先可以做到 Hall Queen」

名校老師婚外情的故事

集氣,祝福・妳一定會好返的!

港女偷食同男友分手,仲要偷埋人地架車同隻貓!喵~

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

則留言

閱讀後覺得好,請多多讚好及分享~:)

其他熱門文章

  • 愛男友,請愛埋佢屋企人 by 小盛女
    「有無人要食麵啊?幫你地夾。」Mike大喊。「使乜幫佢地夾,佢地無手o架?」Brenda黑面說。Mike即時怔了一怔,他從沒想過這麼簡單的舉動會令Brenda爆seed。「都係順便姐,大家一家人,我幫你夾埋喇。」Mike盡量壓抑自己的情緒,…
  • 應如何對待男友嘅朋友? by 小盛女
    晚飯後她又教大家玩大學時O-Camp的集體遊戲,很快便和Mike的朋友們混熟,特別是男性朋友。玩遊戲少不免有些身體接觸,Mike都一一看在眼裡,他最怕就是看到這些疑似抽水的行為,出聲唔係唔出聲又唔係,自己女友又鬼死咁主動,同人玩得鬼死咁盡興…
  • 【偽影評】 《棟篤特工》:電影的隱喻? by 馮志豪
    作為大學主修哲學的子華神,不少演出都是借故事諷時事,甚至有時直接觸及政治神經,例如他在楝篤笑中曾經說過 : 「知唔知一國兩制最偉大地方係乜?就係肯承認佢自己個制真係嚇親人!」和「全港市民熱烈慶祝『收返』!」等,令中在笑中帶來一點思考。…
  • 我可以肯定,大部分人並不適合一個人旅行。 by 達米安
    獨自一人在舉目無親的地方會令人變得緊張,因為無論遇上甚麼難題,發生了甚麼意外,都不會像在家鄉一樣有家人朋友的支援,也沒有了對公共系統的熟悉,所有後果都得自己承受。更甚者,當在語言不通的地方時,連如何向路人求助,都可以是一個難題。只要不是太缺…
  • 25歲以後 by 小盛女
    當我永世做Marketing,由assistant升到officer再升到senior又甚或是咁好彩升到manager,人工都可能只有2、3萬,日日做到隻狗咁,到頭來首期都儲唔到,真係諗起都一額汗,最後我想了十萬九千次,只有兩個辦法可以解決…
歡迎讚好我們的facebook page,免費資訊源源送上。