點解仲未有民間監察疫苗關注組?

 

 

由「自救」引伸到「自決」呢啲由下而上既關注組自佔領中環之後如雨後春筍咁遍地開花,所謂術業有專攻,本身用自己專業知識以類似壓力團體既模式去影響輿論,實屬成熟民主社會應有既行為,然而,就今次流感疫苗風波之中,民間討論似乎比想像中更深入以及有層次,連袁國勇教授及梁卓偉院長都先後需要就流感疫苗向公眾解釋,而連日黎反對注射既市民從佢地既解釋當中引延更多疑問,其實是否有需要設立民間監察使用關注組,所謂道理愈辯愈明,成立關注組會唔會有助釐清今次風波之間既誤解呢?

 

吸引有志之士統合資料,有利消息互通

民間就討論應唔應該打流感疫苗意見不一,而反對流感疫苗所引用既資料部份來自外國的調查報告,呢啲資料亦需要有志之士分析轉化為圖或者懶人包等等,透過關注組平台互通消息,增強說服力。

 

集中訴求讓有關部門回應

張太既錄音迫使醫學權威公開回應可視之為階級性勝利,但反對疫苗既朋友亦唔應鬆懈,集中訴求使有關部門繼續回應就流感疫苗既疑問。

 

透過眾籌提供延續性

上述既行動唔多唔少都需要利用到資源,成立關注組就可以搞過眾籌平台,更可支持調查醫生有沒有與藥廠有利益輸送的指控,若以此作為成立目的,相信應有不少關注上述議題既人願意課金支持,令尋求流感疫苗真相的路,可以一直走落去。

質疑流感疫苗者眾而訴求分散,容易模糊焦點,如何有理疏理有關爭議真係要視乎反對者如何與權威之間周旋,呢一場風波能否促使衛生署及衛生防護中心再次檢視防治流感政策暫時都是未知之數,如果反對疫苗者理據充份,不妨結合眾人之力,促進一次廣泛既醫學交流?

 

 

關於作者:武士亭

漢江泄對家

我有回應

睇完文有嘢想講?入嚟Gööp嘅「輔仁文誌」社群講兩句啦!可以匿名發言﹑即時睇文,輔仁專屬嘅討論空間。

即上iOS App Store/Google Play下載「Gööp」手機程式,碌緊手機嘅讀者可以立即開啟
註冊成為用戶後,輸入社群邀請碼: vjmedia 即可加入,入面見!

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。