《Godzilla:怪獸惑星》︰唔算突出的首部曲

 

哥斯拉算係日本長壽嘅系列之一,計埋呢套動畫電影出咗有大約32套電影作品。呢套怪獸惑星相對之前庵野秀明嘅真人版《真·哥斯拉》更重未來感,並且呢集怪獸惑星只係動畫三部曲嘅第一集,劇情上無真哥斯拉咁完整。順帶一提,怪獸惑星劇本出自愛的戰士虛淵玄手筆。

動畫開頭大約三十分鐘主要交待地球出現各種各樣怪獸威脅人類安全,最後出現可算係無敵嘅哥斯拉怪獸。響呢個時候外星人出場話會幫人類手毀滅哥斯拉,可惜雙方都對哥斯拉無計可施,唯有放棄地球,同外星人乘搭太空船另覓新星球居住。兜兜轉轉之下,外星人同地球人喺太空飄浮成二十年後,決定重返地球從哥斯拉「魔掌」下奪回人類自己的家園。成套動畫籠罩著一種沉重的氣氛,劇情一貫虛淵玄風格「虐心」,好似開頭移民船爆炸睇到人屏息住氣。

套戲除咗開頭文戲比重較多之外,之後嘅一小時去到地球氣氛開始緊湊。主角榊同一眾部隊於地球森林搜索,其後他們遭受到地球異變生物同哥斯拉攻擊,跟著動畫主角一眾人同地球異變生物以及哥斯拉大鬥法。動作場面3D特效做得唔錯,尤其係主角部隊用盡所有人力物力圍攻哥斯拉,再引隻怪物去陷阱一段做得幾有可觀性。不過套動畫除咗動作場面叫做唔錯之外,劇情發展…開頭到中段唔算太吸引,如果無後段嚟個劇情twist再加上動畫字幕過後嘅「彩蛋」(其實應該當係伏筆),套動畫基本上平平庸庸。不過怪獸惑星係三部曲系列首部曲,仲要為之後出嘅續集鋪排,要對呢套怪獸惑星落定論未免太早。

《Godzilla:怪獸惑星》作為動畫三部曲,算係開咗一個穩穩陣陣嘅開頭,想睇動作場面應該唔會失望。如果想睇「超展開」劇情就無啦,可能第二集會比今集更加精彩。

 

 

 

關於作者:粗人敵卡

粗人敵卡
一個要將別人忽視的事寫出來的九十後寫手,閒時看電影、讀小說、聽音樂等等,夢想做一個通俗小說作家

我有回應

睇完文有嘢想講?入嚟Gööp嘅「輔仁文誌」社群講兩句啦!可以匿名發言﹑即時睇文,輔仁專屬嘅討論空間。

即上iOS App Store/Google Play下載「Gööp」手機程式,碌緊手機嘅讀者可以立即開啟
註冊成為用戶後,輸入社群邀請碼: vjmedia 即可加入,入面見!

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。