唔見血唔收口嘅係邊個?

 

日前大埔公路巴士翻側車禍,有網民揭發大台記者喺消防救人之際要求俾多三分半鐘,群起怒插。筆者有朋友插到大台刪 post 兼 report spam。

 

「大台做嘢唔洗你教」

袁花揸旗嘅大台新聞部,你仲對佢有咩期望? 佢出名以「大局為重(1)」。2010 年五區公投同政改方案通過,同記者講「大台新聞應以大局為重」,命令唔可以訪問有「有政治立場」嘅學者。咦?咁消防救人又唔見你話「大局為重」?

諗諗吓,有風骨嘅大台新聞部員工應該喺七警事件(2) 之後走得七七八八。剩低或者新加入袁花旗下嘅會係何許人也?政治偏頗由自可,原來大台而家已經淪落到「唔見血唔收手(3)」。呢兩個 attributes 結合,假如六四屠城再次發生,莫講話「俾多三分半鐘」,「啱啱著 signal 出街,可唔可以開多幾炮補返個 shot?」都講得出。

不過呢,香港人就係犯賤㗎喇,明明有其他選擇又唔睇。嫌香港電台太悶太 factual,可以睇有線新聞(4) 吖。想當日有線面臨執笠,幾多人跳出嚟盛讚有線新聞又高質又乜又物。但係實際行動呢?唔俾錢 subscribe 有線,起碼都得閒撳過去奇妙電視。少睇電視嘅,可以 like 有線嘅 Facebook page。大把 alternatives 啦。

鬧爆大台阻礙救援,唔見血唔收手嘅同時,到底係邊個「唔見血唔收口」呢?

 

註:
1&2. 袁花嘅豐功偉業早已廣為歌頌,唔知來龍去脈嘅自己 wiki/google。
3. 猶記得《導火新聞線》入面講過呢句對白,可惜呢套嘢得四百幾萬票房,電影帶出來嘅訊息亦無為社會同新聞行業帶嚟咩迴響。
4. 利申筆者唔係有線員工/打手,亦冇持有有線寬頻(1097)股票。唯一嘅嘅得利益係
屋企裝咗有線簽咗十鳩幾年約。

 

 

關於作者:弒子山下

弒子山下
啱啱瞓醒幾年嘅80後港豬,希望以自己微薄嘅力量同拙劣文筆,盡量​喚醒​大家對本土文化、粵語、同埋社會議題嘅重視。 https://www.facebook.com/HKRIP

我有回應

睇完文有嘢想講?入嚟Gööp嘅「輔仁文誌」社群講兩句啦!可以匿名發言﹑即時睇文,輔仁專屬嘅討論空間。

即上iOS App Store/Google Play下載「Gööp」手機程式,碌緊手機嘅讀者可以立即開啟
註冊成為用戶後,輸入社群邀請碼: vjmedia 即可加入,入面見!

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。