香港人,放鬆啲啦!

 

今天跟家人外出食完團年飯後搭巴士回家途中,發生了一件差點演變成大事的小事。

 

事源我坐上層右邊較中排位置,正沉醉於腦海放空之際,突然聽到前兩排有個壯男面向左邊比他再前兩行的阿伯講:『喂!阿伯,可唔可以細聲啲啊?不如我比個藍牙你吖?會聽得大聲啲㗎!坐車頭開個喇叭播仲大聲啲添啦!』此時,我才注意到阿伯開大部收音機在放歌,未知道他是沒有帶耳塞抑或是想與人共享音樂。但在公眾場所此行為確實是有點不對的。

阿伯聽到被人兇就將收音機馬上閂掉,擰轉頭臉露不悅對壯男說:『做咩?唔得咩?嘈到你啊?』坐在阿伯旁邊的女人非常反應快地頭笠著連外套的帽子慌忙起身走到最後排。『係啊!好嘈啊!唔順咩阿伯依家?』壯男語帶挑釁。阿伯被辣㷫不甘示弱:『梗係啦!我話晒大過你,你依家係咪想隻抽吖?』越說火藥味越重,兩人蠢蠢欲動。

我坐在壯男後兩排看到情況也擔心殃及池魚『唔會嚟真嫁吓話?』心裡想。此時,有其他乘客嘗試勸交:『一人少句啦!』,但似乎都不湊效。壯男繼續煽動阿伯情緒:『你敢行埋嚟隻抽,我咪嚟囉!』『你嚟我就嚟!』阿伯重複壯男說話。

其實,兩個加埋接近一百歲的大男人似乎都是得場牙骹戰,大家都不敢先出手。話雖如此,我心裡還是有點擔心,終於按捺不住在後排小聲說:『冷靜啲,冷靜啲,唔好咁樣……』可能壯男有聽到我的話,見阿伯還不停擰轉頭怒視自己像撩打,也沒再繼續煽火進一步激發阿伯情緒,只咕哩咕噥隨形勢回應兩句。

 

這讓我想到:人要懂得控制自己情緒,將長期因生活壓力而拉得繃緊的精神稍為放緩一下。有很多事故的發生其實都只是為了一啖氣而已,根本可以避免。更不會荒謬到為了區區一個五元而釀成血案了。

 

關於作者:如風

如風
一個不甘於平凡的平凡人。 不愛隨波逐流、我行我素、坦率自然是我的真個性。 自少喜歡寫作,也愛創作、愛觀察生活上的人生百態。 將千奇百怪的人間色相盡現文字上是我的【常務】。

我有回應

睇完文有嘢想講?入嚟Gööp嘅「輔仁文誌」社群講兩句啦!可以匿名發言﹑即時睇文,輔仁專屬嘅討論空間。

即上iOS App Store/Google Play下載「Gööp」手機程式,碌緊手機嘅讀者可以立即開啟
註冊成為用戶後,輸入社群邀請碼: vjmedia 即可加入,入面見!

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。