十次團購,真係十次都奶嘢

 

「不如我哋提早慶祝情人節吖,我團購咗coupon呀,可以去食西餐。」我說。
「好呀,我畀返錢你。」男友Mike說。
「唔使啦,團購好平咋嘛,兩個人加埋一都唔過三百蚊,不過好唔好食就唔知喇。」我說。
「團購通常都會奶嘢,唔好咁大期望。」Mike說。

餐廳在蘭貴坊附近,地方不大但氣氛不錯,暗黃色的燈配上白色餐枱布,好不浪漫。下單要用英文,只是看餐牌已感到有點吃力,加上侍應有口音的英文,真是聽到頭痛,只怪自己英文差,從前不好好讀書。二人套餐很豐富、前菜、主菜、及甜品,總共八款菜式。

先來個燉蔬菜,蕃茄味,正正常常,再來豬里脊沙律(太多汁,很咸)和墨汁魷魚(酸酸的味道有點怪),然後是白酒蜆肉意粉,這個真是經典,先嚐一隻帶子,滿口都是沙,立即吐出來,再吃蜆,又有沙,可能蜆是吐不清沙,唯有只吃意粉,問題是意粉也有很多沙,每一次咬下去都有沙沙聲,要立刻吐出來,感覺很嘔心,超怕會肚痛。

「你覺得好無同侍應投訴,話佢知有好多沙。」我說。
「點講? Many sands in the spaghetti?」Mike說。
「沙係數唔數到㗎?用much定many,一係用a lot of啦最安全。」我說。
「睇下個侍應見到成碟意粉無食過會唔會問我哋係咪有問題先,唔問就算,費事袋錢落佢袋。」Mike說。

最後侍應一句:「Finished?」便拿走了那碟沙意粉,再來一個T骨扒,約五、六成熟,肉質還好,但肉味有點怪,感覺很不新鮮;三文魚扒,有點腥,最有問題是配菜的茄子和翠肉瓜,下了太多香草及香料,吃下去好像有香水味,吃了兩塊也停口了,薯仔是預先煮好,所以口感很硬。

甜品是另一爆點,奶凍完全不像奶凍,沒有奶味,而且口感很怪,完全不知道在吃甚麼,朱古力慕思也不好吃,最後我們結帳去買串燒吃,很久沒有吃過這麼難吃的晚餐,要吃好味串燒安慰心靈。一分錢一分貨我明白,佐沒想到會差到這個地步,所謂便宜莫貪,下次不敢了。

其實幾年前我都經常團購,因為覺得很抵,但每次都是中伏,所以已經很久沒有再買,但「人類總是犯重複錯誤」,今次又中招,以後除非是吃過的餐廳,否則都不會再團購,今次沒有肚痛已是不幸中之大幸。

 

La Piazzetta

中環蘇豪俊榮里5號地下

 

 

關於作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

我有回應

睇完文有嘢想講?入嚟Gööp嘅「輔仁文誌」社群講兩句啦!可以匿名發言﹑即時睇文,輔仁專屬嘅討論空間。

即上iOS App Store/Google Play下載「Gööp」手機程式,碌緊手機嘅讀者可以立即開啟
註冊成為用戶後,輸入社群邀請碼: vjmedia 即可加入,入面見!

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。