【塔羅個案】有種客人的確可以活得 Single and Fabulous

文教 / 最新文章綜覽

 

有啲人好唔鍾意「Single and Fabulous」呢個形容詞,因為覺得好作狀,甚至會覺得「車,你無拖拍先咁樣之嘛」。咁,人嘅想法多樣,人地要咁諗,咪由佢囉。不過,見客咁耐,我的確知道有啲女性朋友係樂於享受呢種生活方式的。

好似 Bonnie 咁樣,係第一種。Bonnie 三十來歲,喺社會嘅眼光黎講,「我呢啲擺明就中女啦!」Bonnie 笑住咁講。佢打扮入時,皮膚緊緻,打一份銀行 OL 工作,儲蓄有道,生活尚算寫意。

Bonnie 由十幾歲開始拍拖,斷斷續續,經歷過四~五段感情,年輕時嘅一度好恨嫁,去到後期選擇隨緣,再去到後期,經歷過感情上面不忠背叛等事、亦慢慢覺得「喺一段關係入面不斷地同人磨合,真係好花心力」。

所以,自從上次四年前分手之後,Bonnie 就婉拒所有追求者,寧願將時間擺喺自我經營上面。

「無必要死命去搵個人返黎,真係無必要。」Bonnie 有少少感慨,「搵到個人,唔難;搵到個啱嘅人,先難。」

我認同 Bonnie 所說的,俗語有云「勉強無幸福」,喺我舖頭入面,我的確見過太多「為結婚所以夾硬搵個人嫁,結果搞到不歡而散」嘅例子,亦見過太多「拍拖時根本無考慮過自己同對方真正需要嘅嘢係乜,淨係用自己角度出發導致分手收場」嘅例子。

香港地男少女多,搵到個投緣嘅另一半談何容易(Even if 你係同性取向個圈子都唔大吖),有時間比自己靜心落黎,了解下自己想法,絕對有好處的。

同 Bonnie 短短傾談半小時,無一點港女味,同為女性的我,亦覺得開朗健談嘅 Bonnie 其實真係非常吸引。只不過,「既然我已經唔打算結婚生小朋友,又既然,我一個人生活得自由自在,可以唔駛求人請假先去到旅行,想著靚啲就著靚啲,想約朋友就約朋友,想陪屋企人就陪屋企人;自己可以完全 Handle 哂自己嘅生活,而唔需要每一日都要諗點樣遷就對方嘅 Schedule……」

我望住眼前嘅 Bonnie,我知道佢喺感情路上,是真的累了;然而呢份「累」嘅感覺,與其話係令佢對愛情灰心,倒不如話佢學識咗點樣善待自己。

學懂如果一個人生活,再學懂坦率地享受一個人的時間;Bonnie 的確活得 Single And Fabulous,而呢種,係佢嘅選擇。

 

【塔羅牌個案分享】

後生女教友畀已婚傳教士搞大個肚唔認數

「我想分手,佢話唔好,不如去開房;然後我覺得佢仲愛我」

你話想生仔我咪唔避孕囉,我家下有咗你就叫我落?

名校老師婚外情的故事

四年入面,我睇住個客拍拖、結婚再離婚。

中環高薪厚職女強人求愛篇:我一覽眾山小,但係⋯⋯

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

我有回應

睇完文有嘢想講?入嚟Gööp嘅「輔仁文誌」社群講兩句啦!可以匿名發言﹑即時睇文,輔仁專屬嘅討論空間。

即上iOS App Store/Google Play下載「Gööp」手機程式,碌緊手機嘅讀者可以立即開啟
註冊成為用戶後,輸入社群邀請碼: vjmedia 即可加入,入面見!

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。