【神婆雜談】科技先進,而家睇 BL 小說會有六舊腹肌彈出黎(羞)

 

講起 BL 小說,熟行嘅朋友(?)腦海入面應該會彈出好多日本台灣嘅作家名;講起電子書,大家可能亦只會覺得係「拎住部 Device 白底黑字冷冰冰咁睇書」咁嘅感覺。

首先,大部分 BL 作品,都係女性執筆,當中充滿住女性對愛情或者浪漫嘅想像,簡單黎講係可以滿足到腐女無限 FF 同埋發萌嘅慾望(Yes 係慾望!),但睇得多 BL 唔一定代表你對男同志嘅世界、同埋佢地真正嘅想法同掙扎、性慾嘅需求有所理解⋯⋯又或者咁講,明明地啦,但你知係假嘅。

而最近我喺電話 app「tbc」上面追緊嘅一套 BL 小說《BeLoved》,係貨真價實地以男人角度出發嘅男同志小說,你問我好無睇?劇情目前只係去到第二章,所以剛剛先開始掌握到啲故事背景同埋人際脈絡;但係,另一方面我會答你:我很受衝擊。

我一直無諗過電子書會咁多樣化,一直無諗過電子書會睇睇下有(假)電話打過黎;而當我喺架逼到爆嘅地鐵車廂入面睇緊《BeLoved》嘅時候,我無諗過,會見到六舊腹肌彈出黎,嚇到我面紅耳熱,一方面覺得自己真係窺探緊一個「真正的男同志世界」,一方面好想問作者一句「喂到底小說入面用嘅圖片係咪你私人珍藏?有無更多比我同啲基基朋友分享?」,一方面,我馬上叫我一啲身處海外嘅男同志朋友,快啲 Download 個 app 黎睇呢本書。

「不得了。」我啲基基朋友十分鐘後馬上反應,「睇到好熱。」

我掩面,我莞爾,雖然我未至於睇到「好熱」,但係,作為一個淨係睇開日本超少女系 BL 小說漫畫嘅腐女,而家面對呢本有血有肉有聲有圖嘅 BL 電子書,我好似劉姥姥入大觀園咁,既驚且奇,日日 Check 住故事幾時更新。

老老實實,我一路寫呢篇文,一度好想 Cap 圖出黎比大家睇,到底個故事嘅安排有幾震撼,不過咁樣,又好似令未睇故事嘅朋友無咗份驚喜……所以,算。

但係,信我,我自問睇咗咁多年 BL 都應該身經百戰(喂),不過,呢個故事居然仲令我嚇一跳,所以忍唔住寫文介紹比大家。

個 app,叫「tbc」。
本書,叫《BeLoved》。

返工返到悶悶地係咪?定係臨瞓覺得空虛寂寞凍?下載黎睇下,睇下你會唔會同我一樣,喺同一樣嘅位置感到驚奇(笑)

 

(編按:下載apps 就去呢度啦~)

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

我有回應

則留言

閱讀後覺得好,請多多讚好及分享~:)

其他熱門文章

  • 如果你令女兒相信自己係公主…… by Dr. T
    我們先不要討論好男仔存在與否,姪女我見過,全面每部位都有幾粒暗瘡另加單眼皮/扁鼻/冇眉娘呢個組合相信好難歸類為大美人。特別的地方是姪女非常了解自己是叻女這個道理,所以亦對號入座地認為自己不是張愛玲就是林燕妮,最愛用organic香薰油自硏手…
  • 劣質調情 by 文士琛
    當初我一直以為他們都是單身的。為什麼?因為他們每天都在肆無忌憚地打情罵俏。我公司陰盛陽衰,眾女的焦點都落在一個叫阿臣的男同事身上。阿臣二十多歲,外形普通過普通,而他的確是那種日夜碌著手機追趕潮流玩意一有空就睇波賭波的典型港男。作為一個adm…
  • 「我老豆叫我delete左個facebook account」 by 宇治金時
    「老豆其實都係一個月前先知道有facebook呢樣野。佢根本跟唔到個時代,更加唔知我諗乜,或者呢d就係所謂既generationgap啦,唔了解,唔願意去了解,郁d就想將d野由有變無,佢話無左就無發生過,即係唔存在喎。煩野點可以唔存在,唔s…
  • 【辦公室之男親女愛】如果有人匿名打上公司 HR 爆料揭發奸情,你會點做? by HR 扮工週記
    話說有一日小編收到一個電話,電話另一邊嘅男人自稱係匿名嘅爆料男。佢話公司嘅家英哥同道德妹有奸情,仲話家英哥已經有家室,係唔應該咁做,所以想我哋人事部阻止佢哋繼續錯落去,仲話家英哥個老婆都知道左,隨時會上黎公司捉奸………
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
歡迎讚好我們的facebook page,免費資訊源源送上。