【產經輔仁】股市繼續靠穩,同時密切留意金價及金礦股

 

測市,六子山主要睇四個國家的指數,包括德國DAX、日本Nikkei 225、美國道指及標普500 、同埋香港恆指。道指三次穩守23,400後彈升,恆指升穿三角形,日德兩指更早已升穿阻力位(抱歉,無圖),從四國指數走勢,可見市況在年頭調整後繼續靠穩。其實全球股市越來越升跌同步,亞洲睇日本香港,歐洲睇德國,同時睇幾個指數,遠比只睇着恆指升跌更能掌握市況。

美國侵侵一出手,國力即刻盡顯強盛本色,真係唔講得笑。早前美國標普500及道指急跌,但兩個月後測市名單不斷有細股創新高,美股整體早有靠穩之勢。最近兩星期細股更加日日有幾十隻創新高,本欄提及的美股信用卡孖寶Visa及Master Card ,股價亦繼續創新高。新加入強勢股名單的,就有S&P Global(SPGI) 及Moody’s Corporation(MCO)。此兩股亦創歷史新高。星期中開始,大股創新高的次數亦愈來愈頻密。

綜合政治及大市情況,美股整體不俗,表現比指數顯示的強,買入好股的機會亦較多,起碼無國家可以或者敢一夜間玩死美國任何一家上市企業,或者此等情況,正好解釋了點解以香港為基地的有錢人family office,主力投資美股而非港股。

黃金方面,星期中買入美股銀礦股McEwen Mining (MUX)。此股剛升穿200天平均移動線。
美元轉強,但金價竟然在200天平均移動線上徘徊無跌穿,奇「能」怪怪。此其一。 金銀比例,是買賣金銀一定要留意的數據,現在金銀比例接近二十年高位。歷史上金銀比例在高位,通常是金銀價格見底之時,此其二。 觀察了近一個月,愈來愈多金銀礦股在200天平均移動線上走動,行業有靠穩趨勢,此其三。

2016年,不少金銀礦股PB在1.0樓下,之後該行業股價暴升,MUX就曾升超過五倍。現在MUX之PB回到1.X,算是便宜。國債債息向上,資金還會不會泊在債市慢慢蝕錢,還是尋找別的資產泊錢?這是金銀礦股有潛力的地方。 其餘走勢就不多講了。注碼方面,小注買入,可視作為長期Long Call。

 

【專題:產經輔仁】

 

關於作者:六子山

六子山

我有回應

睇完文有嘢想講?入嚟Gööp嘅「輔仁文誌」社群講兩句啦!可以匿名發言﹑即時睇文,輔仁專屬嘅討論空間。

即上iOS App Store/Google Play下載「Gööp」手機程式,碌緊手機嘅讀者可以立即開啟
註冊成為用戶後,輸入社群邀請碼: vjmedia 即可加入,入面見!

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。