【產經輔仁】息升股升聽過未?

 

早排睇新聞成日聽人講,息升不利股市,如果美國10年國債債息升到3%,股市就會下跌。其實影響整體股市的升跌,有經濟周期,有債務周期,還有幾十種不同因素影響,息口上升只是眾多因素之一。如果翻查美國二戰後的息口及股市表現,你會發現兩者同步向上,息升股升。另外CNBC 就有文章指出,自1988年起的六次加息周期,標普500平均回報係23.4%,道指23.09%,納斯達克指數更加有43%回報。

 

數據明顯講緊息升有利股市。當然往績不代表未來,但息升不利股市?唔怪得之香港新聞愈來愈少人睇(無奈一笑)。講開新聞,電視廣播有限公司(511)股價長期不振,早排跌低過$26,創8年歷史新低。獨市生意都攪成咁,管理明顯不善。不過反方向睇,如果換左班管理層引入新血,好可能就成為彼得林治(Peter Lynch)所講的Turnaround 股票,到時就值得一搏。

 

恆指穩守30,000點後彈升,又開始多左創新高股票出現。本欄及面書提過的港股中國燃氣(384)、港華燃氣(1083)及中教控股(839)最近都創了新高,只係金蝶國際較弱。維他奶(345)及中華煤氣(3)近日亦創歷史新高,看來傳統本地藍籌始終有一定優勢。

 

【專題:產經輔仁】

 

關於作者:六子山

六子山

我有回應

睇完文有嘢想講?入嚟Gööp嘅「輔仁文誌」社群講兩句啦!可以匿名發言﹑即時睇文,輔仁專屬嘅討論空間。

即上iOS App Store/Google Play下載「Gööp」手機程式,碌緊手機嘅讀者可以立即開啟
註冊成為用戶後,輸入社群邀請碼: vjmedia 即可加入,入面見!

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。