【塔羅個案】你覺得而家啲大學生唔關心社會?但係提早面對現實唔好咩?

文教 / 最新文章綜覽

 

每年到咗呢個時候,就會有好多大學生畢業生黎搵我開牌,原因當然就離不開搵工,前途,未來。睇到呢一度,你可能會冷笑一句「超,有乜所謂吖,而家啲大學生咁垃圾」,而亦都好老實講,我都真係遇過非常目中無人、無禮貌、無時間觀念嘅大學生客人,有時心中都不禁暗問自己一句,「點解而家啲大學生咁嘅?」咁樣。

我有時亦會聽到一啲做 Head Hunter 或者人事部阿姐級嘅客,喺度話而家啲大學生點點點,「以前啲大學生好有個人想法,會留意個社會發生咩事,而唔係而家咁樣,咩都事不關己囉。」

呢個時候,我又要講返句公道說話。你話佢地對社會無想法,我又唔認同的,係,佢地好多時諗嘢好天真,唔夠成熟,但回想自己讀緊書到剛剛出黎做嘢嘅日子,自己又何嘗唔係一條粉皮?比人讚兩句就好容易就自我膨脹,比人話兩句就好易消沉、唔想面對,唔係好知自己做緊乜,淨係知自己有工返囉,每個月有錢存入戶口囉。

我唔排除有好多朋友,喺自己好細個嘅時候,已經對自己未來有好清晰嘅方向;但係,自己係咁,唔代表人地係咁的,有好多學科讀完出黎,真係唔會諗到應該做咩工的⋯⋯當然,換個角度諗,咁同樣代表你咩工都做得 LOL

我呢幾年其實都睇住大學生嘅轉變,而家大部分學生都唔會想惹麻煩上身,睇住百物騰貴,佢地在意嘅,只會係將來嘅生活。

問心吖,我地而家有邊一個唔係為咗搵食先。我地班大人而家又憑啲咩話啲後生唔關心社會先。

關心過了,而家,太陽明天照舊升起,對於我地黎講,真正嘅社會議題,就係有無工開,有無地方住。

所以,我成日同啲學生講:呢一刻你唔知自己想做乜唔緊要,但你唔可以停喺度,停喺度空想你係唔會有任何 movement 的,點都搵份工先。

鍾意挑戰性、鍾意跑數嘅,考慮前線營銷行業;追求穩定、唔想變動嘅,就睇下自己能力去搵文職工作。

好多客都想入政府做長工,我呢度要提下大家,政府啲面試呀、請人呀,程序係好慢的,Permanent 亦都唔係咁易入到。就算想入政府,都唔好兩手 fing fing 喺度等。

前面嘅路或者有好多變數,但係你點都要行出第一步。今次篇文好長氣,好唔神婆 sor9,但係如果你畢左業後有啲迷茫嘅,希望你睇完(1%都好)會有啲新想法啦。

 

【塔羅牌個案分享】

【塔羅問事業】

個客問創業,我話佢未 Ready 佢唔聽,而家蝕到入肉叫我救佢

佢話兩個月過去都未搵到工,要求我道歉

你身邊有無日日覺得自己懷才不遇嘅人?

 

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

我有回應

則留言

閱讀後覺得好,請多多讚好及分享~:)

其他熱門文章

  • 如果你令女兒相信自己係公主…… by Dr. T
    我們先不要討論好男仔存在與否,姪女我見過,全面每部位都有幾粒暗瘡另加單眼皮/扁鼻/冇眉娘呢個組合相信好難歸類為大美人。特別的地方是姪女非常了解自己是叻女這個道理,所以亦對號入座地認為自己不是張愛玲就是林燕妮,最愛用organic香薰油自硏手…
  • 劣質調情 by 文士琛
    當初我一直以為他們都是單身的。為什麼?因為他們每天都在肆無忌憚地打情罵俏。我公司陰盛陽衰,眾女的焦點都落在一個叫阿臣的男同事身上。阿臣二十多歲,外形普通過普通,而他的確是那種日夜碌著手機追趕潮流玩意一有空就睇波賭波的典型港男。作為一個adm…
  • 「我老豆叫我delete左個facebook account」 by 宇治金時
    「老豆其實都係一個月前先知道有facebook呢樣野。佢根本跟唔到個時代,更加唔知我諗乜,或者呢d就係所謂既generationgap啦,唔了解,唔願意去了解,郁d就想將d野由有變無,佢話無左就無發生過,即係唔存在喎。煩野點可以唔存在,唔s…
  • 【辦公室之男親女愛】如果有人匿名打上公司 HR 爆料揭發奸情,你會點做? by HR 扮工週記
    話說有一日小編收到一個電話,電話另一邊嘅男人自稱係匿名嘅爆料男。佢話公司嘅家英哥同道德妹有奸情,仲話家英哥已經有家室,係唔應該咁做,所以想我哋人事部阻止佢哋繼續錯落去,仲話家英哥個老婆都知道左,隨時會上黎公司捉奸………
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
歡迎讚好我們的facebook page,免費資訊源源送上。