【塔羅個案】個客好迷信,迷信到養寵物都要揀星座(驚)

文教 / 最新文章綜覽

 

好多朋友都有種錯覺,覺得我做塔羅呢份工作,一定會好迷信、舖頭會有好多水晶靈擺深紫色六芒星枱布等等,但係好遺憾地,我舖頭一啲神秘感都無的,有啲 Figure 有啲玩具咁樣,你就咁 walk-in 行入黎,一定唔會知我呢度係開塔羅牌的。

雖然我唔迷信,不過工作需要,星座方面嘅知識還是有的,不過就唔係啲咩星座運程,我亦都唔信「乜星座同乜星座係絕對夾嘅」呢啲定義;或者簡單咁講啦,我見客咁耐,有自己一套星座 Database 的,對了解客人的狀態總會有用。

不過,有啲客人就非常迷信,迷信到曾經有人預約開牌都問我「要唔要擇個吉時?」以及「占卜前要進行淨身儀式嗎?」等等,當我話「唔駛架噃」嘅時候,佢地好驚,甚至覺得我一定係有問題,搞到我哭笑不得。

今次同大家分享當中一個比較有趣嘅個案,話說 Sherry 係一個年齡為二十尾嘅 OL,打一份普通嘅文職工作,外貌方面,若要具體形容的話,算是鄰家女孩模樣,不過並不突出。

Sherry 係 A0,呢樣唔係重點;不過 Sherry 有一個好趕客嘅問題,相信同佢異性緣麻麻都有啲關係。

佢,極度迷信。

先唔講佢頸上面又玉佩又佛牌(講多次:戴佛牌乜牌乜油乜法具嘅朋友,黎搵我時你一係收埋,一係就搵第二個師父,我本人見到呢方面嘅物事會好唔舒服的,多謝合作),Sherry 雙手手腕上亦戴滿唔同粗幼種類嘅水晶,粉晶黑曜石琥珀乜都齊,中間混雜啲閃石裝飾,我驟眼睇都真係眼花撩亂,頗有幻彩 fing 香江之感。

但係,最爆嘅係呢一句。

「我好信星座同命理架,每件事我都會搵幾個師父幫我睇。」Sherry 把玩住手上串珠鍊子,「我連屋企隻狗都係揀啱生肖星座先買,同我勁夾架。」

我有少少發呆,腦海飄過 Sherry 攬住隻狗去車公廟黃大仙攝大歲嘅畫面。Gosh。

「真係有必要咩?」我失笑,「即係你人生中好難全部人都同你夾啲命相星座架噃。」

「啱呀,所以我好早已經唔同父母住,佢地個星座同我唔夾,咁好大鑊架喎。」

我聽到呢度,不禁心諗一句唔 L 係呀?即係我明白好多人同父母緣起一般,因為避免家嘈屋閉先搬出黎。家下因爲星座唔夾就自己住嘅,咁你係咪想之後都唔見父母先?

咁迷信星座命理,其實黎搵我開牌問姻緣又如何?去啲 Forum 呀交友 app 呀,講到明要屬咩生肖同咩星座嘅男仔,加多句非誠勿擾咁,喂,好過我幫你問一大餐,你咩都唔聽我勸嘅咁托呀?叫你識人又唔肯,叫你低調啲又唔肯,有舊同學約食飯都戴到全身都係牌咁出去,人地唔驚咗你就有鬼啦。

無呀,幫佢開牌,姻緣係麻麻架,至少黎緊呢年都專心工作罷喇;但係 Sherry 又唔係好聽我勸,覺得自己咁樣係個人特色,咁,Fine,as you like 嘅啫。

「神婆你咩星座?」
「我雙魚。」我苦笑,月亮人馬上昇白羊。其實我好想講,睇星座要睇好多嘢的⋯⋯當然我慳返啖氣啦。
「咁妳同我無相沖吖,」Sherry 點點頭,雖然我唔明星座講乜相唔相沖,「咁我會認真考慮下接受你意見。」

嘩,皇恩浩蕩呀。

 

【塔羅牌個案分享】

後生女教友畀已婚傳教士搞大個肚唔認數
「我想分手,佢話唔好,不如去開房;然後我覺得佢仲愛我」
你話想生仔我咪唔避孕囉,我家下有咗你就叫我落?
名校老師婚外情的故事
四年入面,我睇住個客拍拖、結婚再離婚。
中環高薪厚職女強人求愛篇:我一覽眾山小,但係⋯⋯
女人就黎三十歲仲係 A0 係咪就叫有問題?
中女不諱言「我有 SP,但我唔會同我老公離婚」

 

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

我有回應

則留言

閱讀後覺得好,請多多讚好及分享~:)

其他熱門文章

  • 如果你令女兒相信自己係公主…… by Dr. T
    我們先不要討論好男仔存在與否,姪女我見過,全面每部位都有幾粒暗瘡另加單眼皮/扁鼻/冇眉娘呢個組合相信好難歸類為大美人。特別的地方是姪女非常了解自己是叻女這個道理,所以亦對號入座地認為自己不是張愛玲就是林燕妮,最愛用organic香薰油自硏手…
  • 劣質調情 by 文士琛
    當初我一直以為他們都是單身的。為什麼?因為他們每天都在肆無忌憚地打情罵俏。我公司陰盛陽衰,眾女的焦點都落在一個叫阿臣的男同事身上。阿臣二十多歲,外形普通過普通,而他的確是那種日夜碌著手機追趕潮流玩意一有空就睇波賭波的典型港男。作為一個adm…
  • 「我老豆叫我delete左個facebook account」 by 宇治金時
    「老豆其實都係一個月前先知道有facebook呢樣野。佢根本跟唔到個時代,更加唔知我諗乜,或者呢d就係所謂既generationgap啦,唔了解,唔願意去了解,郁d就想將d野由有變無,佢話無左就無發生過,即係唔存在喎。煩野點可以唔存在,唔s…
  • 【辦公室之男親女愛】如果有人匿名打上公司 HR 爆料揭發奸情,你會點做? by HR 扮工週記
    話說有一日小編收到一個電話,電話另一邊嘅男人自稱係匿名嘅爆料男。佢話公司嘅家英哥同道德妹有奸情,仲話家英哥已經有家室,係唔應該咁做,所以想我哋人事部阻止佢哋繼續錯落去,仲話家英哥個老婆都知道左,隨時會上黎公司捉奸………
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
歡迎讚好我們的facebook page,免費資訊源源送上。