【裝修奇談】有錢佬大哂系列:設計費俾多一百都嫌貴,玻璃擺設幾十萬都肯俾

 

(資料圖片:即係手機入面有咩相就拿來用)

 

首先,好多謝各位網友支持呀!小妹第一次寫文,居然得到咁好反應(對我黎講已經係超級好了),仲有朋友開始問我報價之類嘅事,真係意外之喜呀,我原本只係嗰日無野做先打文比容總架咋!有此結果,先容我在此向大家一拜(拜)

其實而家做緊間公司唔係我第一個工作場所,我以前舊嗰間真係……不過離開舊東家又無理由講人地壞話,總之,可以黎到而家呢度做野,我都好感恩。有時,客難湊唔緊要呀,最緊要係老細講道理。

不過…答返好多人問我嘅問題先。點解上次話「利申非 Gay」,咁成間公司目前得我一個女仔,老細請我嗰時,講到明唔會因為我係女仔就鍚住架,成班兄弟拍住上架啦……咁……做女漢子都係漢子吖!好似係!

講起難湊嘅客,你可能會覺得,做裝修好普通,但做室內設計,一定好貴,有啲錢人玩意啦!其實平有平做,貴有貴做,接到大單第一時間會開心啲,但係同時要處理嘅野,亦會更多。

我地早前接左一個大客,點解叫大客呢?因為佢全屋大裝修,喺揀料方面完全唔手軟,客人本身亦有玩下古董咁樣,所以我地都好驚滿足唔到佢期望。

咁我地一路同佢做,佢一路會增加減少意見,同時佢亦都係咁出去睇傢私;有時我地已經度好尺要整個吊櫃,佢一個電話打黎又會話改位轉色,想加盞燈之類。

開頭老細都覺得,算啦,唔緊要,你係客,有啲咩想要咪再加錢囉。

地磚,原本話要要意大利雲石磚,我地訂咗,先話都係想要返木地板,我地都算啦,好彩廠嗰邊通情達理,而我地又反應夠快,改單都黎得切。

然後,兩間睡房,原本一間想做客房,設計好哂;佢臨時又改口,話想整音響房,加酒櫃,又要水晶燈。咁大改動我地再好人都要收錢改,點知個客黎舖頭發爛乍。

「畫過張圖一張 A4 紙駛唔駛咁貴呀?」個客慢條斯理但語氣極串咁講,「都係啲色轉下、擺位改下啫。」

「陳生,要班同事將間房啲功能完全改變,重新設計,呢部分都係錢黎架。」老細盡量平和,當然個客唔係姓陳啦,「設計需要時間,時間就係金錢吖嘛,陳生你都做生意嘅,你一定明白嘅。」至於大家心諗「圖紙其實係 A3 架,你唔識就唔好嘈!」就忍住無講到。

「我時薪點都高過呢個價添。」陳生冷笑一聲,「總之要加呢個價我就唔認同架啦,無必要我上網話你地服務唔好吖?係咪先?」

我喺老細後面一路打緊文件,一路聽到勁嬲,陳生之前喺唔知邊度訂啲所謂名牌手吹玻璃擺設,連埋運費都用左幾十萬,而家加你少少錢幫你改,你都喺度嘈嫌貴,我心諗,唔怪得以前讀設計型同學咁躁啦!香港地,設計呀、藝術呀、美學呀,呢啲真係完全唔會有人欣賞,唔值錢架。

最後,係就係 tricky 架啦,不過老細就無喺設計上面加佢錢,只係要小妹同同事開下夜車,總之帳面打個和就算數啦,我地求財架啫。老細亦都叫我忍口,唔好喺班師傅面前講太多,寧願班師傅將間屋搞得好好睇睇就算。

咁,裝修完出黎,當然就好好睇添啦,打哂燈咁,示範單位一樣,相信加埋陳生自己買嘅貴價傢私會仲靚啲添。

陳生結果好滿意呀,見到條數無加收佢新一筆設計錢,佢好高興呀。唉,當然啦,對我地黎講,個客收貨就係最好嘅回報,不過,財大就氣粗,呢個道理真係 always true……

 

 

關於作者:裝修小妹

裝修小妹
一個女仔,喺呢個男人嘅世界......

我有回應

則留言

閱讀後覺得好,請多多讚好及分享~:)

其他熱門文章

  • 如果你令女兒相信自己係公主…… by Dr. T
    我們先不要討論好男仔存在與否,姪女我見過,全面每部位都有幾粒暗瘡另加單眼皮/扁鼻/冇眉娘呢個組合相信好難歸類為大美人。特別的地方是姪女非常了解自己是叻女這個道理,所以亦對號入座地認為自己不是張愛玲就是林燕妮,最愛用organic香薰油自硏手…
  • 劣質調情 by 文士琛
    當初我一直以為他們都是單身的。為什麼?因為他們每天都在肆無忌憚地打情罵俏。我公司陰盛陽衰,眾女的焦點都落在一個叫阿臣的男同事身上。阿臣二十多歲,外形普通過普通,而他的確是那種日夜碌著手機追趕潮流玩意一有空就睇波賭波的典型港男。作為一個adm…
  • 「我老豆叫我delete左個facebook account」 by 宇治金時
    「老豆其實都係一個月前先知道有facebook呢樣野。佢根本跟唔到個時代,更加唔知我諗乜,或者呢d就係所謂既generationgap啦,唔了解,唔願意去了解,郁d就想將d野由有變無,佢話無左就無發生過,即係唔存在喎。煩野點可以唔存在,唔s…
  • 【辦公室之男親女愛】如果有人匿名打上公司 HR 爆料揭發奸情,你會點做? by HR 扮工週記
    話說有一日小編收到一個電話,電話另一邊嘅男人自稱係匿名嘅爆料男。佢話公司嘅家英哥同道德妹有奸情,仲話家英哥已經有家室,係唔應該咁做,所以想我哋人事部阻止佢哋繼續錯落去,仲話家英哥個老婆都知道左,隨時會上黎公司捉奸………
  • 偷食的人有難了:我用GPS追蹤男友(一) by B612
    從來都唔會主動講密碼俾我聽,就連喺我面前解鎖手機都會遮遮掩掩。唔係身有屎嘅,怕咩俾人知?佢越係神神秘秘,我就越覺得佢想要嘅,唔止係私隱咁簡單。果然,一齊咗未夠兩年,就發生咗一連串令我哋無辦法繼續一齊嘅事………
歡迎讚好我們的facebook page,免費資訊源源送上。