杯葛?你班和理非真係識做咩?剪爛晒謝安琪演唱會啲飛先啦

 

你上上網就知,香港人根本唔是革命既料子。你看看這片段?大家走既時候,仍是笑住走架。

即係咩呀?

即是係大家心目中,仍未有「我會死」這個想像。

 

朋友傳來清晰可見速龍於地鐵站內無差別攻擊正在離開的平民

Jacky Ko 發佈於 2019年8月31日星期六

 

他們會覺得「超低能、勁搞笑」。

Winter on fire?哈哈哈。singing in the rain 就有份。

對呢個香港的人,我早就冇期望。講咩罷工喞?罷工,唔係請一日假。罷工,係要有工會支持的。你要罷工,首先你要知道呢個世界有樣野叫工會。工會,唔係剩係好似教協果啲撚樣咁樣,開個超市畀你買八折文具,買旅遊保險,買海洋公園飛,就叫工會。係英國美國,如果大學罷工,門口有啲叫 union activist,如果你想返入個校園,佢地會企係門口同你講: sorry we are on a strike。就算你唔係入去開工,你返入去,已經係令人唔參加strike,工會啲人,係會打走你架。即係好似容總之前講既「打工賊」咁。係香港,搞罷工都變左係良心僱主支持社運既marketing 遊戲,你話點會成功?

仲有,好多人又話,要罷食呢個罷食果個。講罷食既人呢,其實早就唔會食。你唔去新紅基個商場,之後叫人去邊?去領展果個呀?領展而家又唔係大魔頭啦咩?而家又話港鐵唔好坐,唔好去商場消費。港鐵呢啲咁既公司,由佢兩鐵合拼果陣,泛民支持,然後變成大魔頭果陣,有邊個想改變個現況呀?冇呀,因為次次泛民開晚會籌水,個個公司都會科水囉。領展以前係有畀錢民主黨,仲印晒落場刊架,係2018年林鄭上台,畀三萬佢果次,先冇左咋!

 

 

所以呢,你以為泛民就係企係大眾果邊,想改變結構?唔好玩啦。直至而家,民主黨最大票倉,泛民既最堅實支持者教協,有冇教過老師點面對「欺凌」事件呀?好笑啦,如果隻小警犬,平時唔交功課,之後你叫佢交功課佢就話「你欺凌我我告發你」,呢啲小警犬咪變左特權階級囉?唔知你地知唔知,欺凌既定義呢,唔客觀,冇標準架。只要有啲行動,令到學生「身心受傷」,就可以叫做欺凌,而且證供,往往只係一面之詞,好似 #metoo 咁,你話係就係架啦。唔知啲老師準備好文革式大篤灰未呢?唔知教協又點去幫佢啲會員呢?你年年票就投畀佢,要佢做野既時候就唔撚見左人,我都唔知班教師咁撚蠢,點解仲可以教到學生。

 

 

仲有一個,好撚好笑既:你話你要杯葛警察家人丫嗎?咁有個行動,就好簡單啦。你買左謝安琪演唱會飛未呀?收到飛之後,你會唔會剪爛晒佢?拿千祈唔好撚退票呀!退票佢再賣出去,即係仲有好多人支持佢架咋!

之後等謝安琪呢個老公細佬係警察既「警大嫂」,可以係開演唱會果陣,對住成個冇人既紅館,去話畀呢個警隊知,你地既行動,係人神共憤?

 

唔會呀?哦。咁得啦,唔好咁憤怒啦。杯咩葛,香港人連唔投一次又一次出賣你既泛民都做唔到啦,謝安琪喎,淫kay喎,2014年雨傘民主女神喎,唔係唔睇呀?

 

 

作者:左膠正垃圾

左膠正垃圾
左翼???左膠就大把。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198611
Date: 2019-09-01 15:00:13
Generated at: 2019-09-17 21:08:39
Permalink: https://www.vjmedia.com.hk/articles/2019/09/01/198611/杯葛?你班和理非真係識做咩?剪爛晒謝安琪演唱