作者: 阿享
阿享
一個戒緊牛肉,但打邊爐仍然會忍唔住既耶青。

三位新近入籍嘅球員,融入速度奇快,亦令到Kim_sir嘅343,正確黎講嘅3412更加強,上半場頭段完全係將黎巴嫩壓過去,打出主攻嘅足球。現時嘅陣容結構,踢出黎,除左徐德帥同麥基值得相榷下之外,基本上都係最強,分工係清晰,尤其是三人華將中場 — — 黃威負責進攻派牌,陳俊樂係box_to_box,而黃洋就繼續由守轉攻嘅第一點,係好明顯嘅進步。

香港地好多人已經唔睇意大利波好耐,覺得意大利波悶、意大利波冇星,意大利波假(意甲又名意假)。自從捧祖記,睇多左意甲後,意大利國內其實有好多有能力,有潛質嘅球員,唔係真係坊間所講青黃不接得咁緊要。雖然垃圾雲杜拿嘅責任不可推卸,但球員嘅表現一樣係差,係你地親手斷送一個可以令自己更上一層樓嘅舞台。

我忽爾想起,令我聽到這首歌的地方,是一個中國大陸的歌唱比賽節目,一個當年紅到不得了的節目。要不是這個節目,我根本不會欣賞到這麼高水平的表演。而唱著這樣有台灣感覺的歌的台灣歌手,她在那裡是一個中國台灣歌手,換句話說,她的身份又多加一重,她先是個阿美族,再者是台灣原住民,現在她是個中國台灣原住民。然而,大家都明白,這是規則,你不認是中國人,那麼你就不要賺這兒的錢。

跳高女神楊文蔚繼世大運之後再次拎唔到牌,香港人嘅glory_hunter因子發作,開始質疑楊文蔚係咪被吹大左。然後,一邊箱話唔好拍咁多廣告,專心啲投入訓練,咁就會好成績;另一邊箱又有人話,唔好俾咁大壓力自己,放鬆啲云云。

我諗,應該冇咩運動員,已經係嗰個界別嘅世界第一,仍然參加世大運。戴資穎,女子羽毛球世界第一,放棄左參加同期舉行嘅世界羽毛球錦標賽,而選擇留係台灣打世大運。有台灣傳媒計過,若果戴資穎成功係世錦賽贏冠軍,佢將會得到12000分世界排名分,同埋台灣政府俾佢嘅700萬新台幣國光獎金。不過依家,戴資穎只係得到90萬新台幣獎金;而排名分,係零。

廿五歲嘅IU真係好正!

如果你唔係太識IU係邊個,可以介紹返,佢係韓國唱作女歌手。佢嘅歌,你係Youtube打佢個名,我都幾夠膽講求其篤一首都唔會話難聽。我相信大部份人識佢,都係因為佢嘅成名作《Good_Day》(包括我),後段令人津津樂道嘅「三段高音」,基本上當時每次現場演唱,觀眾都係期待佢唱「三段高音」。《Good_Day》為IU帶黎一切,令佢紅遍亞洲,但亦某程度成為左佢嘅包袱,先唔好講佢自己唱到厭,樂迷之後又會期待佢嘅新歌都係呢類show唱功嘅大歌,忘記嗰個可以彈住結他,好溫柔咁cover《Gee》同《Sorry_Sorry》嘅佢,忘記左佢嘅多樣同多變。

這些年,得到「門神」稱譽的門將多不勝數,但大部份都無法避免職業生涯後段犯上低級錯誤,或者狀態明顯下滑。上一代的簡尼和施文,今一代的施治和卡斯拿斯,但唯獨你,好像不懂得跌watt是怎樣一回事。今季12場歐聯,只失3球,淘汰賽中曾有6百多分鐘不失球,何其瘋狂的數據。或許是年紀的關係,你不會像迪基亞或紐亞般左飛右撲,屢屢出現精華級神救,但有你統領的後防,總有一份難以用筆墨形容的安全感,一份壓場感,是危急時間永恆可靠的平安鐘。

近兩年金像獎都俾人一個錯覺,就係港產片回暖喇。but_how?我地睇睇2016年香港電影(或者所謂華語電影)嘅香港票房,成功過七位數嘅只有6部,全部都係合拍片,全部都係香港導演作品。但就我個人觀感同坊間反應,除左《危城》以外,其他都無一例外被冠以「爛片」之名。當然,人地都唔care香港市場個7位數,人地係睇緊大陸個9位,10位數呀嘛。然後我地再睇尋晚有份拎獎嘅幾部名義上港產片香港票房,《樹大招風》有9百幾萬票房,排十大嘅第9、《幸運是我》有2百幾萬、《點五步》有4百幾萬,《一念無明》截至寫文嘅今日有有7百幾萬票房,大有過千萬之勢。喂阿哥,過千萬都係零頭黎咋喎,成本都回唔到,抵俾人地話你地香港人陝隘。

很多人對巴塞的觀念還是在於所謂「tiki-taka」,喂阿哥,咩年代呀?哥迪奧拿都不再玩這套,更不要說安歷基的巴塞已經改變了多少,如何不斷小修小補,使這支你們口中已經落伍的球隊依然保持競爭力。然後,我發現自己比許多巴塞吹奏者還了解巴塞,而明明,我討厭巴塞的。

之前韓國有新聞叫啲高考學生唔好係溫書個陣聽某啲歌,因為你溫完都只會記得啲歌詞。不停重覆嘅詞同旋律會令到你係個腦係咁loop,係咁想再聽。唔講之前個啲,剩係新呢兩首,當你以為RedVelvet嘅《Rookie》有53個「rookie」已經好誇張個陣,Twice嘅《knockknock》居然有111個「knock」,都未講個幾下「咚咚」,真係洗腦到痴線。

呢位哥仔,叫阿pat,其實係我大學同學。係熟,但又未係最熟個啲,雖然畢左業之後都會一大班人約出黎食飯同玩。仲讀緊書個陣,佢已經好多諗頭,想拍下呢樣,又想拍下嗰樣。最後,我地真係付諸實行嘅,就係拍左一個圍繞四個大學生合租一間屋,而之後有多個女仔想租房所發生嘅爭女趣事。簡單黎講,套劇基本上就係寫返自己,做返自己。但同普天之下嘅學生作品一樣—粗疏、求其,唔謹慎(咪即係跑得慢、唔夠快,冇速度)。因為我地借左一間教會黎拍嘅原故,咁多集其實一張似樣嘅床都冇。而四個大學生每人有一間房,成間屋差唔多成千呎更加係不合常理到一個唔知咩點。

我從來冇諗過有朝一日,我會為呢個人寫一篇文。五年前,又或者係更加早,我已經覺得係女子網球壇佢唔會留得好耐。「都三十歲喇,體能都差」、「依家跑唔郁,一俾人底線調度就死」,「車佢都係靠打力咋嘛」,諸如此類嘅評價,呢幾年不絕於耳。但,佢就以一個又一個大滿貫冠軍去證明我係錯,用一周接一周嘅世界第一證明佢唔會就咁消失係女子網球壇。

MAMA,新時代,黎明之後?

2016年嘅mama,一字記之曰——「新」。首先香港嘅轉播電視台係新嘅,表現黎講,當然都係冇驚又冇喜喇。mama必須遷就韓國電視台嘅播放模式,即係香港電視台只要去break,就一定會錯過頒獎禮嘅部份,所以,咁只係睇viu嘅製作團隊有冇智慧地選擇邊啲播邊啲唔播,cut表演cut得獎感受呢啲就少不免,總括而言,都係可接受範圍嘅。其次,啲人好新。以五隊被提名最佳女子組合嘅女團為例,Gfriend同Twice啱啱先出道滿一年,上年先一齊係mama爭最佳女新人,而Mamamoo同Red velvet都只係出道滿兩年。而今日黎嘅歌手,2010年前出道嘅真係十隻手指數得哂。縱觀今次入圍同得獎名單,都似係為未來韓國樂壇形勢定下風向。kpop,已經進入左新時代。

10月8日,香港將會舉辦第三季電動方程式大賽(下稱FE)的第一站。你不知道?或者你知道要封路,但又不知道FE是甚麼玩意,而你又有興趣知道的話,我建議你在Facebook_search「丹尼爾vs陳恩能」,這是香港首屈一指的賽車評述員陳恩能所開的page,他應該有足夠的內容解答你所有問題。

梗係用你梁特首最擅長嘅政治手段。首先,香港球市呢幾年有返啲起息,最主要因素都係香港代表隊嘅成績帶動。而球迷之所以咁熱情,因為大家都有個目標——2019亞洲杯決賽周。從實力黎講,香港隊肯定有高過五成隊會出線,倘若出線,香港球市嘅熱鬧同關注程度將會到達頂峰,到時要收地就難到冇朋友。咁,即係要阻止香港出線喇。點阻止?踢唔到咪一定冇得出線囉!

香港人過了不能再壞的一個星期,即便再看十次「膠原BB」和多捉十隻啟暴龍也不快樂的一星期。我們發現一個選舉主任的權力居然如此大,大到他/她認為的就是真相,然後所謂真普選只是講出黎大家開心下的虛幻、我們發現香港人最引以為傲的執法機構,淪落至政治鬥爭的戰場,等待滅亡、我們又發現原來找一個地下共產黨員或者一個每年都計錯盈餘但每年都要慳的財政司做特首,我們已經覺得是恩典。用同一個制度選出來的人,一個比一個不堪,仍有人還相信這制度能出一個好的人,這要多低能才做到。「若早知最壞 尚能更壞」我們真以為世情已經夠差,但還可以更差,可以更仆街。要不是,港獨哪會這麼有市場。

頁 1 / 41234