VJQT 作者: 林非 | 輔仁文誌
作者: 林非
林非
離經,不欲縛於經書舊說,欲自成一家自成一經。八十後,以追求人生自由之道為己任。

大帽山蓮姐被政府玩,一個話唔駁水另一個話你駁咗水先發牌,於是無熱食賣。然後傳媒就話「唔知講乜好」,其實傳媒應該可以問下漁護署理據係乜?或者提出呢個疑問,都好過「唔知講咩好」?而當提出咗質疑之後,政客係咪可以去同政府周旋下呢?呢個「責任」(if any),點睇都係政客比起一般人更有力去做掛?

今日大力提倡買樓嘅上一輩人,係根本唔明白今日全球環境,同埋一種席捲全球嘅「年青人苦悶」。全球嘅資產都上升得好緊要,就好似曹仁超當年講嘅「發達容易搵食難」,你揸住幾層樓,當然覺得大家都應該要買樓先可以財務自由,但係對年輕人黎講,而家首期係講緊二百萬港紙,但你每個月儲到嘅錢可能只係幾千蚊,甚至幾百蚊(租金、飲食、交通)。就係因為呢種矛盾,先出現咁多不接地氣嘅「去少幾次日本就買到樓」,請問當你年入只係二十零萬時,你點樣「儲幾年」就儲到二百萬返嚟呢?做槓杆,風險極高,如上所述,資產價格逆轉隨時會出現,到時未得其利先蒙其害。

如果東京不太熱

其實就好似當年黃霑話「如果東京不快樂」解唔通一樣,新詩型嘅語句,係嘗試將一啲字詞用「貌似」無邏輯嘅方式接合,但係你探究之後,就會搵到其實係將一啲尋常字詞借代或做象徵,直接取代背後想描述嘅心情,形成一種較有深度嘅寫法。「如果東京不快樂」,有讀者就認為係因為作者本身不快樂,所以即使去邊度都覺得個地方唔快樂,云云。呢個就係解讀。解讀唔同「權威讀法」,每個人都可以有自己解法,不過就唔一定有「權威解讀」,即使係作者自己,佢講法亦只係「一家之言」。

功夫

近日有條片,類似係講一個 MMA 選手將一個「太極師傅」打到七個一皮云云,然後自然有一大班人跳出嚟話「中國文化垃圾」「中國乜都廢」諸如此類。好耐之前睇過港台有套「功夫傳奇」嘅節目,裡面有提及到「技擊太極」,呢種太極就極為實用,基本上係一種自衞防身,專攻關節嘅技擊手法。

五千年「燦爛」文化

睇紀錄片講納粹德國嘅崛起,希特拉 1923年啤酒館政變失敗,到 1933年上台,中間只係經過十年。到佢完全沒落(1945年4月自殺),又係大約十年多少少。有紀錄片話其實某程度上可以將二戰睇成係一戰嘅延續,最低限度,一戰嘅凡爾賽條約對一戰後德國,對希特拉上台,有一定嘅間接作用。而二戰喺 1945年結束,納粹德國喺果十年做過好多喪盡天良嘅事,戰後德國去納粹化,短短幾十年已經面目一新,即使東西德合併,共產勢力正式退出歐洲歷史舞台只係大約二十零年嘅事。有趣嘅係,納粹法西斯主義雖然都係一種威權主義,但佢係反共嘅。

咁講真,對女人嚟講,天性想搵一個比較「生活條件好」嘅男人,的確係幾普遍嘅事,而好公平地,男人想搵一個生得靚嘅女人,又係幾天性嘅東西。但如果有啲情況,個女人好想搵個靚仔,咁佢不惜工本都要約到個靚仔(加埋大波啦,好啦),咁個女人去約會借頭借路畀錢都唔出奇㗎喎。而又當然,如果個女人好有錢嘅,佢又會擔心:吖如果我畀晒錢會唔會好似「嫖」佢咁,佢會唔開心?男人自尊乜乜物物㗎嘛,咁。咁你又要睇返個男人咩情況年紀性格㗎喎。所以一切都是流動的,無定例㗎。

成萬蚊一個 post 喎

圖同片比起文字,更容易可以遮掩到內容同概念嘅空白與謬錯。你可以拍到一條好多特效,好多特別場景嘅片,令人印象好深刻,但你傳達嘅概念可以係錯啲基本嘢,一樣可以令條片爆紅,圖就更加,咁多filter咁容易有高水平嘅相機(手機),加個靚靚模特兒,要人留意真係比以往用文字「深耕細作」難好多。

美容

語言係有力量嘅。一般嚟講,我哋會覺得「整容」暫時都仲係一個好「強烈色彩」嘅字,會畀人聯想係好大工程,好大改變,或者好高風險咁,總之係啲大件頭嘅嘢。所以近年開始好多好特別嘅講法,例如叫「醫學美容」,或者直接描述個做法,好似打Botox咁。

其實理論上(由睇幾份文件仔嘅膚淺角度睇)政府對HA4.0嘅「執法」可以透過批出豁免書來得出一個皆大歡喜嘅結果。因此,到最後,其實HA4.0嘅問題似乎係一個「執法尺度」甚至係「管理問題」多於真正嘅「安全或法律問題」。先唔講一條闊到無譜嘅條例應唔應該毫無保留地守或者應該點改,單單由幾個角度去睇,如安全、人潮、防火、噪音等去睇,HA4.0都唔係乜嘢咁罪大惡極嘅事物,而佢不幸觸犯嘅條例亦或多或少其實係灰色地帶(公共娛樂場所牌照、地契)。最有趣嘅係,喺政府一路吹風話「起動九龍東」、「活化工廈」、「支持文化產業」等口號底下,對呢啲相對「無人無物」嘅表演場地就喊打喊殺。

淡定大方

有人陰謀論話「其實擺明係玩啦」咁。我就咁睇就覺得似真係出錯,影片資料,或者現場樂隊嘅配樂都可以預備定咁多套嘅啫。咁都陰謀論我覺得實在睿智過范舉人。

琴晚睇崑曲,門票係派嘅,但要有啲特定身份先攞得。完場後聽到有人問「呢啲同粵劇係咪一樣」?我真係不免心諗又一張飛浪費咗。樂觀嘅人會話「介紹多一個人去聽都係功德」,我同意,但同時,你見到啲受眾來來去去都用一種好淺薄嘅方式去理解,就覺得好似啲觀眾太唔長進,少少深入啲藝術感受都唔去嘗試理解。

莊僧係仆街

跟我先講十次:曾俊華係仆街,係撚屌,係賤人,係陷家鏟,係佔中。

癖、疵

曾俊華出咗條片,係佢嘅師弟森美作主打,講曾俊華。成條片中唔係推銷曾俊華幾咁有能力,幾咁厲害,幾咁呼風喚雨,幾咁「有為」,而係講出兩樣好重要嘅嘢。第一,強調曾俊華「劍客」嘅身份,教劍同時教做人,打劍係佢嘅嗜好,一個人有嗜好,有寄託,有鑽研,人格性情就健全。第二,男校師兄弟之間嘅「教導」,往往只係點條路你知,你行唔行,點行,點去,唔干涉你,你知道個方法,個精神喺邊就夠嘞。有人話呢種係「role model」嘅示範法,同一般捉實你雙手叫你要咁咁咁做,係好唔同。我認為呢個係香港傳統男校嘅寶貴特質,而正因為呢一點同香港整體教育政策係如此背道而馳,所以傳統男校多有反斗但成功之輩。

聽咗王菲最近飽受批評嘅果場音樂會,的確係有多少失望,但未至於啲人講到咁差嘅。我覺得最大問題係,好多處理細節都處理得比以前粗疏,例如《人間》一開頭唱得感覺好吃力,好重,拖泥帶水,以前唱就帶得出果種輕盈但又咬字清晰嘅感覺。《流星》全曲都好似差啲上唔到去咁,副歌「化作一顆流星」簡直叫人抹一把冷汗。普遍嚟講,王菲成把聲「粗」咗,粗咗唔一定係唔好,演繹某些歌曲時反而會有優勢,但係得其一端,就必然難首尾相顧,另一啲位嘅處理相對就弱咗。佢演繹近年作品《匆匆那年》時反而正常好多。

每逢佳節倍思春

而家既小朋友性觀念係比以前似乎開放咗好多,聽某些細幾年(只係細幾年)既女性朋友講,而家好興咩「FuckBuddy」,大家得閒就扑下嘢咁,但又同時係FriendZone嫁喎。又聽過話好多著名女校既女仔會比較邊個商場既殘廁最舒服最好扑云云。至於種種「先扑野後拍拖」、「一齊唔等如拍拖」、「分咗手得閒上男友屋企含撚」等等,真係全部都聽到我呢個老人家眼都突埋。

如果大家有留意,喺深夜時份會有個政府廣告,講愛滋病的,係一位人士現身說法,話感染咗二十年,定期食藥,其實生活同健康都可以話係無乜問題。Facebook上有個page亦有人匿名地分享作為帶HIV者嘅情況。

頁 1 / 111234567891011