作者: 余哥
余哥
開餐廳,真係開,唔係打工,用得筆名梗係唔想俾你知係邊間:)

呢款包我賣左成年,有人會食唔晒剩底係正常,但呢位奇男係點?係𠝹開左一細忽比指甲還細既「細嚼」完,話難食,我餐廳標明個包係全麥無蛋奶,乾少少我明,咁我都特製啲汁落去。佢朋友都明明食左一半,呢種奇異人我既經驗係無可能會滿足到佢

嗌野飲係咁,嗌野食一樣係咁,有啲直頭:「我明明嗌漢堡包㗎喎!」嘩屌我同伙記三條友三對耳聽住佢落單比錢係嗌意粉的佢老味,當我地據理力爭時,佢地永遠:「咁總之我嗌我就實記得既!一定係你地錯!」己方:「但你比完錢收到個張單都係意粉喎,個時問你有冇錯(所以而家好多餐廳要做多樣動作就係問客啲單有冇錯咁多餘)你話無仲比埋錢,小姐/先生/阿姐阿叔阿貓阿狗我諗真係你嗌既係意粉呀(係對話中唔可以講「你唔記得」四個字的。)

「我想試呢個呀~」佢仍然好似個細路咁喺個位鳩叫,其時,我班員工在半休息狀態,無人想理佢,但佢煩到我,我唯有起身答佢:「個餐牌係晚市㗎!」佢:「我知呀,咁我咪問下囉,我想試吖嘛!」我屌佢老味。