作者: 體檢小子
體檢小子
體檢中心其實好搞笑

話說大概十二、三年前左右啦,果時我都仲係個學生哥。當時,老師印影左一宗新聞,叫我們對呢宗新聞表達看法,單新聞大概就係話泰國有間診所,對於基因問題已經取得一定研究成果,話預計十年之後,佢地將會研究到方法搵出每個人身上的優良基因,然後生兒育女時,將父母最優良的基因都遺傳晒比仔女。例如,父母的基因裡埋藏住優良的音樂天賦,佢地只要比得起錢,就可以令仔女都遺傳到呢個優良基因,等將來的仔女都有音樂天賦。

講返主題先,好多時,大陸五、六十歲的富豪,佢地年青時未必好似而家咁有權有勢,加上又受制於「一孩政策」,可能佢地只係生左一個獨女。點知,後生又撈到風生水起,貨如輪轉,客似雲來,咁先發覺今次大獲了,日後個女繼承家業就無咩所謂。但係,到個孫果代,家業豈不是流到外姓人手中,入贅女婿亦都成為左培養第三代接班人的重要手段。

報告一出,指出老公既精子質量有問題,差到幾乎係去到不育的水平。呢個時間又要講解一下,其實醫學上係好難完全肯定一個男人無生育能力,因為男人每次射精時,都有數以億計既精子,就算男人的精子質量再差,都可能有一粒、半粒精子係異常地健康,而又好好彩咁同卵子結合到,最尾生個B出黎。除非個男人肯定無法製造精子,又或者比人閹左,先可以完全肯定個男人無生育能力。

通常一間體檢中心,每一年左右都會推出一項新的檢查,或者新的服務。而近呢幾年呢,通常新推出的檢查,都屬於基因檢測類別。但係,不嬲對部份的香港人黎講,一聽到「基因」兩隻字,成日都會變得好抗拒。你驗血、驗肺、驗尿驗咩都得,一驗基因就唔得。但其實亦都唔洗太奇怪,市面上唔少化妝品、食物,都打著「天然」、「無激素」、「有機」、「無基因改造」的旗號,而香港人聽左咁多年,或多或少都對基因兩字有負面睇法。

今次當陪住個後生仔,去醫生度聽報告時,佢個愛滋病毒測試竟然係POSITIVE 。之後,佢顛左咁否認,不斷講「醫生,你有無驗錯架」、「驗錯GE機會有幾高阿」之類,總之就用盡一切辦法去否認。咁醫生見到佢咁,都努力安慰佢,話:「其實呢,愛滋病毒測試有時都會出現『假陽性』,會進行再次覆驗先至可以確定。」老實講,雖然就話咩測試都無可能保證100% 準確,但其實現時的愛滋病毒測試已經去到99.X %準確