作者: 擇言
擇言
擇言
有廣東話相關嘅問題隨便搵我。 個人FB: 擇言 每個禮拜有15分鐘嘅話歡迎你加入粵典編輯組。 words.hk計劃: http://words.hkFacebook專頁

用電話打字,輸入法好緊要。如果個輸入法估到你想打乜,應該可以慳返唔少時間。幾年前轉用iPhone之後,我覺得用電話打字快咗,爽咗,當時冇細心諗,其實應該係iPhone配詞做得好所以先會快咗。iPhone嘅配詞有幾癲呢?我第一次留意到係打咗一個人名:曾焯文後面居然有配詞博士!

移民,係咪就救到香港?

有種諗法,係香港受中國嘅影響日深,為下一代着想,要移民,噉樣先至保留到粵語,保留到香港人嘅認同。我知道香港移民好多都會堅持同細路講粵語,好抵讚。但係我要強調佢哋嘅角色好有限,亦都唔係一樣長久嘅做法。

錫錫又好做愛都好,都係對愛嘅期望嘅反映。畫面係由少女嘅角度出發,俾大家想像女神視角點樣睇愛呢件事。激情只係一部份,對男神嘅瑕想,對拍拖共處嘅憧憬,對之後一齊創造嘅回憶,都係愛情嘅構成。有拉麵同秋葉原,先至有做愛時嘅美好感覺。畫面同對白都有其層次,唔明白嘅人,可能太毒,或者係少女退化嘅熟女,我唔怪你哋。

「好心讀書唔掂你就出嚟做嘢啦!」但實情係,如果能力不濟嘅人,或者真係應該求其搵間大學(就算係遙距課程都好)讀咗佢。反而叻仔叻女嘅就想點都得(睇返我講十八歲結婚論)。

湊一個細路要用好多精力,後生仔最多嘅就係精力。唔通等四十歲先至生?俗語話「有仔趁嫩生」,真係智慧嚟,唔係呃你㗎。

呢啲圖背後隱藏住深奧嘅人生哲理,唔通要IQ130以上嘅人先至睇得明?我試吓講講其中一幅。

以呢度各位嘅聰明才智,要學識幾句傍身,真係唔難。下面個表,對住嚟讀九成準,唔信可以試吓。英文唔好用蕭叔叔腔,用正常香港人嘅發音就得。

老老實實香港任何一樣嘢,實在嘅抽象嘅,就算冇咗,大家都冇咩感覺㗎啦,始終大部份嘢都係事不關己吖嘛。但係牽涉文化傳承嘅嘢就有啲唔同,因為呢啲係少數以個人單位可以控制到嘅事。大家冇嘢做得快,跳船就跳得最快。香港人隨機應變,一有咩風吹草動,即刻搵晒後路啦,仲等?

點解成日有人抹窗跌死?

每次睇新聞見到有人抹窗跌死,我個心都會沉一沉。點解會有人為咗一塊玻璃透多啲光去搵命搏?係咪我嘅價值觀同其他人唔同,大家寧死都要日日抹到隻窗立立令?但係就算大家心目中,一隻窗係幾咁緊要呀,香港係一個打工仔劈砲唔撈都冇勇氣嘅社會,大家邊度嚟咁大勇氣去玩到咁大,執屋執到用生命作賭注?我知道價值觀人人唔同,但係如果事後諗返,如果面前有兩個選擇,一係「死,但係隻窗會乾淨少少」同「唔死,但係隻窗會有啲污糟」,你會點揀?我諗大部份人應該會揀後者啩。 

晨星、晚星

天矇光見到嘅星,同日落見到嗰粒,其實都係金星,兩樣嘢所指嘅係同一事物,但係我哋可以用兩個方式去描述佢,雖然同樣都係指「金星」呢樣嘢,有同樣嘅指涉,但係兩個叫法,各自有唔同嘅意思:即係話,名同意思,並唔係一個一一對應嘅關係嚟嘅。

出聲明了事,係PR 大忌

設計比賽入面有參賽作品,入面有貶低其他人(組織、團體、國籍、種族、宗教等等)令部份人覺得冒犯,可以點做呢?解決問題嘅方法好多,處理得體嘅,可以係好好嘅PR嚟。

點解奧巴馬係我老師?

「吖,總統上任之後,一定要發展新科技嘅。」呢個係奧巴馬今日悟到嘅道理。不過寫實在係太慢,於是佢拎起聽筒,召喚咗Steve入去佢嘅圓桌辦公室。

留意返好多評語刻薄嘅人,要求唔係真係咁高。如果好過九成人嘅先至叫靚,噉即係有九成人唔到合格線,一出相就會俾人恥笑。但係實情大部份人放相上網,靚唔靚都好,大家都會開心俾like。每個人都心知肚明,世上真正靚嘅事物唔多,淨係得靚人靚景可以影相分享,實在太扭曲、太壓抑。所以一般嘅生活照,根本冇人會恥笑,冇人會鄙視。

每年有咁多仆街香港人預約餐廳、住宿跟住唔出現,有冇見過邊次有店家開全名指責?預約唔到應該公開譴責,但係稍為無禮,我諗正常人,日本人又好香港人都好,應該都唔會用開全名嘅形式公開講。即使呢個「博客」嘅行為唔合禮節,店家嘅做法其實更加唔合理。如果冇咗「漏低垃圾」呢一part,你覺得店家可唔可以因為你幫襯少,將你全名公開放喺網上批鬥吖?

坐喺位嘅阿伯,企喺走廊中間嘅阿叔,喺間口僅僅上到車嘅中年人,心入面都喺度諗:「抵死啦你哋班死廢青,咁唔努力梗係上唔到車啦。」

無論大小選舉,每當有啲唔啱心水嘅人當選,總會有朋友喺度喊苦喊忽,話咩香港人唔配有民主,又港豬又盛,認為香港係因為民智未開所以先至有今日嘅政治局面。其實呢套「民主只屬於民智已開民族」理論,正正就係唔認識民主嘅表現。

頁 1 / 3123