人係不平等，人係有高低之分的。人貴自知，每個人都應該了解自己有幾多斤兩。知道自己有幾多料，先可以進步，先可以向更叻嘅人學習。如果你唔知自己有幾多斤兩，錯誤估算形勢，以為自己同人差唔多level亂咁發表謬論，只會令自己俾人恥笑。當然會咁樣錯估形勢嘅人係連自己俾人恥笑都唔會知道嘅。facebook年代，培養出一大班有理無理就要衝出來搶focus嘅人，就算果樣嘢係你完全唔識嘅都好，都要用一個好似識好多嘢嘅tone先發制人。哪來的自信？一句到尾，毒撚最忌有自信，所有毒撚終身受用。
日本一向係AR同VR技術嘅最先進國家，有聽過我喺barcamp講過talk嘅一定明白。話說日本以前絕大多數嘅video content都係由niconico都產生出嚟，不過，後來因為營運niconico同高登林祖舜一樣咁懶咁慢，大量玩家轉戰youtube，話晒世界性嘅adsense收入真係可觀好多，有埋super chat功能之後都不知幾多人做緊全職youtuber了。於是乎，日本人就將AR/VR技術加埋youtube live一齊玩啦。
都咩年代啦，雲端雲端講咗咁多年，傳統幾個山頭嘅票務網站如urbtix，hkticketing，cityline都無用過真正cloud嘅system，佢哋只係用埋d陳年datacentre。想scale_up？『搵專人幫你起多部機，聽日就用得架啦。』試問人人幾部機上網嘅年代又點會等到你d人手scale嚟頂住個traffic？
我做人嘅宗旨就係果樣嘢我唔識的話我就唔會屌人，所以為咗要屌到人哋心服口服，唯有努力學習研究啦。。。結果呢兩份whitepaper我當然係睇晒！我希望呢篇文可以起到一個導讀作用，等大家唔洗周圍晒時間。
