作者: 留德鐵膠
留德鐵膠

好多政府都會補助公共交通機構去減低車費。但係我哋睇一個政策一定首先睇佢嘅目的,如果目的係鼓勵市民減少用私家車,轉用公共交通工具嘅話,當然補助交通費從而增加搭客係好合理嘅事。之不過,今次呢個計劃係咪又係同樣目的?目的當然係等啲要搭長途車嘅市民唔洗俾噉多交通費,減輕佢哋嘅負擔。聽落好似幾好,實則好似同派錢差唔多,只不過個對象由所有香港人變做有八達通而且經常要搭公共交通工具嘅人。當然,一個政策出咗嚟,梗有好有壞架啦。以下當然就講吓有咩好同壞,同埋啲錢我認為使喺邊度更加好。

我睇番佢哋張圖,第一個感覺就係乜夠位咩,依家都只係得三線單行咋喎。電車用咗兩條,淨返夠唔夠位兩邊都整單車徑架,我唔知香港標準幾多,但係德國標準單車徑都要起碼2米闊(2米只係夠兩部單車並行架咋,所以獨立單車徑通常5米闊,咁樣佢一定做唔到,所以唔駛啦),仲有行人路,分隔電車路同單車路嘅分隔帶,仲有月台添。諗諗吓都覺得迫。

呢個就係魯昂嘅BRT系統,覺唔覺條路上面有啲嘢同中車嘅好相似呀?冇錯,就係喺每條行車線中央嘅兩條白色虛線。呢個係成個「 智軌」 ,或者用佢嘅英文簡稱ART好似冇咁核突,嘅靈魂所在。就係呢啲虛線加上車上嘅電腦輔助系統去確保部車唔好偏離軌道。當然,筆者相信車上套電腦控制系統係佢自己研發嘅,因為筆者到依家未見到有太過相似嘅嘢出現