作者: 神婆
神婆
神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

你唔知道自己鍾意、擅長做咩唔緊要,起碼你要話到比我知你討厭、抗拒做啲咩,咁我先可以用最少嘅問題引導到你去較清晰嘅方向;如果你咩都「唔知呀」咁,老老實實,你可能問好多問題都問不出個究竟。

「我諗我已經唔係傷心,而係覺得好可笑,喂原來呢個世界真係可以有人反轉豬肚,可以咁狼心狗肺。我真係上咗一課。」

就好似呢兩日遇到其中一個客,眼仔大大細細粒,長髮披肩幾靚女,不過好瘦。佢非常健談,講夢想、講工作,估唔到佢人仔細細,卻非常捱得,試過一日打兩份工,照顧自己、照顧埋屋企;有個對佢幾好嘅男朋友,倆口子你串下我、我笑下你,不知不覺已共渡了一段歲月。

「當時有對新人,好似好鐘意張國榮同梅艷芳,我原本知道呢度都無乜嘢,以為頂多可能播下哥哥首《為你鍾情》。講完一大輪嘢,我地上乳豬啦,對新人喺個台度鍚鍚緊啦,咁我啲同事咪幫佢地播碟入面佢地要嘅歌,點知一響起,嚇到我手都震埋,以為同事做錯嘢!痴線架,對新人揀嘅歌,係梅艷芳首……

【神婆雜談】我好鍾意銅鑼灣

先唔講以前讀書嘅年代,淨係呢三年入面,銅鑼灣都變咗好多,由滿街金舖,去到而家連羅素街、白沙道都好多吉舖;之前金百利、東角都話有啲小店可以睇下,而家就好多都「租約期滿」「業主加租」咁越黎越少嘢睇。銅鑼灣地帶更加係好多吉舖,相比我讀書嘅年代,真係冷清好多

耐唔耐就有人問我「有無開班」「學費幾錢」之類嘅問題。其實都想借此機會澄清一點,學塔羅最基本的是牌義,牌義要學識唔難,只要你勤力,死記硬背點都會記得住;但係,要點樣做到將牌義應用喺唔同情境、又點樣可以一開牌就馬上將個答案解釋比人聽,呢一點先係難處所在,因為多多少少講天份架,加上我時間有限,所以教牌一向不在我考慮之列。

人係好有趣嘅,唔知點解每年臨近聖誕,就越介意自己身邊有無伴侶,越係覺得「街裡愛人一對對」呢件事係督眼督鼻,所以呢排特別多單身嘅朋友黎問感情。

大家對老師嘅印象係乜嘢?係有教無類,抑或係道德端正?我中小學都有幸就讀風評唔錯嘅所謂名校,大部分老師教學用心,係我嘅榮幸。

佳節臨近,一於就同大家分享部分「神婆Database」,作為參考又好,搏大家一笑都好啦。事先聲明,「無錢咪無女」呢啲理由不在此列,我手頭上亦有好多認為「無錢咪無仔」嘅個案,世界是很公平的,呢方面嘅事有機會另外撰文再講。

咁多年來,見過嘅客人由某國際公司地區總裁喊住黎問離婚、到中學妹豬好擔心咁黎問學業前途、甚至有撈偏人士黎問官司……我清晰理解一樣嘢,就係人有煩惱,無分界別層次,黎搵我嘅客人全部都係平等一樣的。

William自細有個興趣,就係研究軍事模型,戰艦同模型飛機嘅嘢我當然唔熟(我只會砌高達模型⋯),但見到William一講起點樣用細部零件去改造模型時、嗰副眉飛色舞的模樣,我會心微笑,因為言談之中,我絕對感到佢對呢方面嘅知識同熱愛。

阿庭今年廿幾歲,無搵工,原本好似讀緊書,但唔知畢唔到業定點,而家過住三無生活:無錢、無目標、無女朋友。應該咁講,原本佢有女朋友的,不過一個月前分咗手,阿庭想睇吓仲有無得復合,所以黎搵我。

Sally壓低聲線,「我當時話,如果你呢兩年唔娶我嘅,就分手啦!你都唔愛我嘅!結果佢聽完,同我講,唔好分手啦,不如咁,我,我同你去開房好無?神婆,妳明唔明我嗰刻嘅心情?」

即係咁,係,創業聽落好開心呀,自己做老闆,唔駛受同事氣;好似我咁,三年前辭咗份工,正式將副業塔羅變成正職,都叫創業吖,優點係時間算彈性自由,缺點嘅話,就係手低口停,無咗每個月有糧出嘅保障;如果我惰性多啲,開少幾日工,就真係分分鐘食風~

「佢話佢始終想要一段名正言順嘅關係,佢想結婚,想擺酒,想生小朋友。」Nick淡淡然咁表示,「呢啲嘢,我的確比唔到佢。」Lesbian個世界其實都幾唔公平,好多時咩都係靠TB做主動,「老實講,我都唔知邊度搵下一個,呢一年黎,我有遇過我有好感嘅女仔呀,但係對方係直嘅,佢算好架啦,佢拒絕我之後都仲同我做朋友。」Nick苦笑一下,「試過鼓起勇氣表白完,有個女仔即刻驚到返工放工搵男同事陪,好似覺得我有病咁。」

如果你單身咗幾年,黎開牌,個塔羅師父同你講「喂恭喜哂!你行正桃花,黎緊半年有拖拍」,你聽到都應該覺得好唔實在吧?(不過我仲係歡迎感情運查詢的~LOL)

頁 1 / 3123