作者: 無神論者的巴別塔
無神論者的巴別塔
無神論者的巴別塔

飯民之前「拉布」如火如荼,點解突然間全線收皮,而家終於真相大白,原來就係要讓路比林鄭「致謝議案」順利通過,恭迎佢正式登基!今次係九年黎第一次借助有議員被DQ而響分組點票通過致謝動議,當然不敢怠慢出席率達100%,反觀飯民仍然貫徹佢地嘅散漫、無紀律往績,竟然有5名議員:莫乃光、林卓廷、黃碧雲、譚文豪、邵家臻缺席致謝議案投票──我想問當一個咁重要嘅表決你地都可以缺席,而且仲完全無向選民交待,咁選你地出黎做乜七?

有關大陸叫雞都可以用支付寶,坊間都有好多討論,但其實響技術層面都仲有嘢可以補充下。首先除咗講果位係經濟學教授而有個爆點之外,響大陸可以用支付寶叫雞根本唔係咩新鮮事──即係本身KTV、桑拿、骨場全部都可以收信用卡架啦,加埋支付寶收費又有乜奇?真正有影響到嘅應該係「向西村上春樹」果類企街個體戶,但亦唔好諗支付寶可以解決佢地收假鈔嘅風險,因為只丙要嫖客堅持用現金都吹佢唔漲。

好多人都將成件事個焦點放響老師果種死板嘅評分方式,又或者農桑同農業係咪同一樣嘢黎,但我睇倒嘅卻係,無論學中史果班、定係教中史果班,都仲係停留於好蠢果隻死記硬背式學習法,所以比分嘅只會最統一嘅方式去做──但係當問題超越咗評分標準可以解釋嘅地步時,呢班中史老師就只會去諗,點樣可以擺平答案上嘅爭議就變成佢地最關心嘅事,反而問題本身呢?

D100始終都係老闆玩具:其實當年響謎米嘅時候,唔跟老蕭立場係會比佢啲Fans圍攻人身攻擊討論區洗板,但至少老蕭從來無迫過我講任何一句違心說話──但今次睇見D100由風波裡的茶杯、再到龍鳳大茶樓、再到左右大局,話之你係咩老屎忽江湖地位有幾高,全部都要聽老闆柯打向黃之鋒羅冠聰施壓。比較有矜持嘅,好似李慧玲陳健民呢啲就無咁樣衰;但去到游清源黎則奮廢老森呢啲就直頭上哂身,批判之狠唯恐主子鄭經翰不滿意、嘴臉之嘔心即係平時你同我講佢地幾有原則幾有骨氣全部都可以丟入垃圾筒。

有經營開FacebookPage嘅朋友久唔久就會講,哎呀Facebook又改演算法呀,又壓低Reach數呀,基本上我對呢啲從來都無深究,之前有「FB 分析專家」話而家Facebook_Organic Reach大概低至5%左右,高登又有人話Facebook每個post的likes數響8月開始就跌咗一大截,但我除番人數,每個Post至少都有10%以上,所以亦無乜危機感。

但其實呢啲嘢真係怪得哂Facebook?無錯,條Newsfeed比Facebook搞成咁,對於某啲人黎講的確係幾無癮;但無人叫你任由條Newsfeed擺佈架喎,好似我咁,基本上入親Facebook都係指定去哂我追開的Page,再Click入去我關心嘅人、親近嘅人嘅A/C睇下佢地生活成點,Facebook_assign果條feed最多咪比我參考下囉

近年新興的「左膠政策研究」有兩個特點,一是他們會有很多資源/時間去進行數據搜集以及圖表Present,予人有專業權威的錯覺之餘,由於你並沒有同時的時間資源走去驗證,所以基本上時「佢講乜嘢、你信乜嘢」

「我們終於找到方法制裁這班本土法西斯了」,但我只能夠說別高興得太早。

被禁言24小時之後終於放監,想不到竟然因為「蝗婦upate」幾隻字。作為得罪人多、言論激進而又不客氣的我,直到這時才第一次被禁言,應該算是遲了。

鄭松泰拒絕聯署的解釋,我有一小半認同,有一大半不認同;一小半認同的部份是泛民聯署提出以《公安條例》檢控何君堯,的確是埋下了將這條條例的合理性,給了港共政權日後同樣以相同法律迫害抗爭者的伏線,這也是我看到泛民聯署時第一個想到的地方

更何況響氣候暖化底下,秋天其實只等如夏末,秋天衫響冬天著可能仲適合,換言之你而家九月中就賣定11月尾嘅衫,駛唔駛咁有市場前瞻觸覺?

似乎太多香港人將「理性」二字睇成好崇高嘅嘢:其實理性一詞好簡單,就係用最大效率爭取最大利益,由一個殺人不眨眼的獨裁者、到一個聲名狼籍的騙子,同樣可以充滿理性。前中大政政系主任王紹光的《理性的瘋狂》甚至提到,文革中參與者與執行者的瘋狂性質,背後其實都有理性考慮,理性在公義面前,根本不算甚麼,就算把石永泰的文章拿來棒打,又有甚麼問題?

很多人仍然搞錯了,《傳真社》並不是一個單純提供資料、絕對中立的報導代理人,它同樣包含了傳媒報導功能,當然也有權在自己的報導中有自己的主觀判斷和立場;而更重要的是他們同時亦將調查報導資料提供給其他媒體購買者,換言之若接收的媒體不同意其立場,亦可以用自己嘅角度進行質疑反自扭轉結論,完全係一個Fair Game。

香港中產、律師黨成日開口埋口講咩?「法治」,但呢班人有真係好好守護「法治」呢樣嘢咩?當年人大釋法,法官律師著黑衫「無聲遊行」,主流傳媒同班老屎忽評論員讚到天上有地下無、結果改變咗啲乜?

呢班趕上咗香港繁榮尾班車嘅世代,始終都係最有消費力最肯駛錢嘅族群。所以啲人成日話搞新媒體、創意產業只能主打細路,又話100毛係年青人嘅奇跡,我諗佢地真係搞錯咗。

區家麟口中所謂的抗爭資源也就不過是給那些不甘於共產黨壓逼、卻又不想作任何犧牲的黃屍帶們的「出火費」,根本連幫助香港爭取民主的資源都算不上,那又何來甚麼「燒自己的土、養肥對家」?反倒是區家麟動不動就說不支持飯民大台的人是鬼,這些「自家資源」倒成為了民主大台打壓異已的工具,那一把火燒光了,將這班原來從不相信人民會覺醒、尸位素餐的飯民主派全趕落台,倒也是一個不錯的結果──所以,還建議總辭的人實在是有點落後形勢,用選票趕他們落台,才是目前最應該要做的事情。

頁 1 / 3123