作者: 歷史系小賤貨的日常
歷史系小賤貨的日常
歷史系小賤貨的日常
筆者集GAY佬、賤貨、劣筆、廢青於一身。如文章有害,概不負責。

你成日話,自己以前會點點點對男友,依家因為以前男朋友對你太衰,唔會再咁比心機了。其實,我覺得依家嘅你,已經好好。

前幾日係連登睇左麻雀普查POST入面有講到啲點解中國冇麻雀嘅來源。我自己就未去過中國,都唔係幾知呢樣野,但近呢幾日就睇多左啲研究,而我係未讀過呢樣野嘅。到依家,甚至係二零零零年,山東省林業廳仲要宣佈將麻雀列為受保護動物,你就知其實對中國黎講,麻雀都可以變成罕見生物,就知有幾誇張。先唔講九十年代開始,麻雀就變成左中國其中一樣野味,佢地連麻雀都唔放過。但原來係一九五八年,毛澤東就因為想改善全國衛生情況同提高農業生產量。就提出左『除四害運動』,將麻雀同老鼠、烏蠅、蚊一樣,打入『四害』入面,勢要將麻雀消到一乾二淨,抄佢全家。

今日我地有14萬人出黎遊行,無疑係為在囚朋友同集會人士打左強心針。但係,在囚嘅依舊在囚,我地依舊缺乏一條長期支援所有被捕朋友嘅路線。呢幾日,我見到好多位過往一直批評自決派朋友都走出黎表示想直接捐助咁多位在囚義士,包括本土同自決派嘅朋友。過往呢幾年,我地一直冇左互信。但如今,我地都有朋友一同成為左階下囚,被極權政府壓逼。作為和解第一步,理應放低派系之爭,成立共同基金,支援所有為香港民主運動而面對官司或者已入獄嘅朋友,為佢地安家,更加令佢地感到不孤單。

之後10月開始已經好奇怪,成個人變到有型左,著得FASHION左。仲成日捉我出街買衫仔,記得有次去TOPMAN_SALE佢買左成二千蚊野咁濟,果陣時我都即刻西面,因為知佢唔會有錢找卡數,叫佢唔好買咁多。已經心諗唉月尾又要留筆錢比佢找了,我買就緊係冇問題,我自己知道自己洗左幾多,識理財係唔會透支的,佢就岩岩有張信用卡,佢下下都諗住下次出人工就還,但還哂又冇錢洗,最後又要問我拎。

講下APPS先,APPS都有分兩到三隻。細細個係我未進入呢個世界之前,佢地好依賴網上嘅討論區去識人,果個年代係我未出世(笑),有左SMART_PHONE,識人就方便左好多。G字頭果個APP我就未玩過嘅,果個APP依家應該得番啲老野玩,因為太唔USER_FRIENDLY(笑)。H字頭果個都唔係拎黎交友嘅,係拎黎約炮,PRIVATE_PHOTO太痴線。根本個APP唔係比人拎黎識人,係識炮。我大多數用都係J字頭果個,起碼人正常啲(當然都有好多痴線佬)

我用左咁多年嘅時間去說服自己,其實自己都好正常嘅時候,最親嘅人竟然講左句,其實我地就係唔正常嘅。冇錯,香港呢個地方表面上係好開放的。但實際上係最保守的。如果兩個男仔行出街拖手,你信我,你試過第一次面對全街啲人都望住你未?你真係要試下。個感覺就係,好似變左痴線佬咁。

我知道我好鐘意呢個男仔,係去到我會想試下,究竟第一次係咩感覺。過往同其他男仔都唔會做全套,因為好想留番比一個好鐘意好鐘意嘅人。果時就諗定左係佢了。佢一月生日,我地諗左好耐究竟去邊玩好,見我未試過去長洲玩過夜,我地就準備BOOK間渡假屋去玩一晚。

通常冇相嘅,多數都唔係好野,我多數都唔應嘅。但果一下,我就應左。同佢傾左一陣之後,佢就比左佢張相我睇,我一睇呆撚左。靚仔到痴線,我第一時間係以為佢係假橇嘅,仲問佢拎多幾張,到最後WTSAPP果時,我先至呢個男仔係真嘅。

年少多好

可能大家都會諗究竟gaygay拍拖果陣會點叫對方,其實都好睇你對方係咩人,同埋年紀係點。細個果陣頭幾次拍拖,因為細個姣啲同埋一路都生存係異性戀嘅世界,多數都叫對方做bb呀,有時真係會叫老公老婆咁。(依家諗起都想嘔!唔好叫我老婆呀屌!)

我好細個已經出去識朋友,因為知學校唔會有咁多gaygay,唔知咩途徑,係fd搭fd嘅情況下,就識到我人生第一個初戀,可以叫佢Issac。佢唔係一個乖仔,初初識佢佢仲鳩作左個名比自己,仲話自己係同我同一日生日。作為on9仔嘅我,仲覺得:「嘩同年同月同日生好撚襯呀!」就開始鐘意左呢個男仔。

諗左好耐唱唔唱衰樹仁,但最後都決定一定要話比大家知係幾咁痴線。d人成日話間野好似中學。係,真係極似。除左新大樓,但你係冇咩機會去果邊上堂。如果你好似我咁旨在hea4年既,可以入黎。但如果你係諗住認真讀書,不如去asso博下。

每次去旅行就好似外遇咁,每次都會好期待去識一個新既對象(新地方),每次頭幾日都會好享受新對象帶比你果種新奇、有趣、激情同發現神秘。之後你就會開始諗香港呢個你住緊嘅地方,幾唔適合人住。會不斷諗起佢嘅缺點、佢對你幾咁過份。但去到尾一兩日。你突然會帶點難過要離開,但突然又會好掛住香港呢個地方。食食下日本嘅和食,你竟然係腦海飛過叉燒飯﹔搭搭下泰國嘅搶錢的士,突然好掛住香港啲仆街DC9。就好似啲仆街磁石咁,無論個男人幾衰,你都會唔知點解鐘意佢。有時會諗,究竟自己係鐘意佢之後佢變仆街,定自己本身就係鐘意仆街。

話說呀媽前日冇幫我book酒店,臨時臨急搵唔到酒店就book左呢間旅館仔。

作為香港人,我地應該點企位呢?係呢幾年,我地不斷要否定自己同中國人嘅關係,因此,就造成一班後生連帶否定紀念六四嘅價值,甚至認為應該否定埋佢對香港嘅影響。咁做法只會將香港往後嘅歷史被中共將1989年塗白。我地需要強調嘅唔係建設民主中國,呢個說法其實一路只有港市民支援愛國民主運動聯合會強調嘅。呢個已經係過左去嘅說法,而呢一代,係唔會再有人咁ON9走去相信建設民主中國呢個神話故事。我地呢一輩後生,已經唔係當年咁國綷,我地已經冇左果種愛國情懷,你地擁抱住『建設民主中國』係已經幫緊中共趕緊客。

大愛同盟嘅唯一政績應該係將每年一度嘅GAYGAY_PARTY變左每年兩度。姐係遊行再加埋一個新嘅集會PINK_DOT。你會見到搞左咁多年,呢件事有咩成功爭取過?佢引唔起社會關注,引唔起媒體報道,令唔到政界當平權係一種聲音去重視。成功嘅係,爭取唔同商界機構去贊助成個PARTY。有KY有CONDOM有野飲有JACK’D。OK,我地好足夠了,班GAYGAY可以即場覓食了,多好。多謝大愛同盟提供場地。

RogerStone喺幫助列根選到總統之後,佢發覺,佢身邊工作圈子因為幫完列根,附近唔係入左政府話事就係去選到做參議員。人脈就變左佢最值錢嘅野。當時,佢就成立左第一間嘅說客公司,去幫大財團例如侵侵,甚至一啲外國勢力,去遊說政府或者國會通過或唔通過議案,從中去獲得利益。咁樣好唔道德咩﹖有錢,道德咩黎﹖

頁 1 / 212