作者: HR熊
HR熊
HR熊
人事部工作既小妹,見盡唔少公司既「人」同「事」,係呢個平台上一齊分享職場上既苦與樂,笑與淚。Facebook: https://www.facebook.com/hrbear.dairy

人比人,工比工,意義何在

容許我係以「細路」既身份形容自己,雖然已經出身係職場游走左幾年,但係自己既爸爸媽媽眼中只係個細路,其實由細到大我都無直接咁問過佢地我應該點走將來既路,我只係估計佢地希望我有份穩定既文職工作慢慢做上去養活到自己,家用就視乎屋企經濟實際情況俾,但暫時好似未有好轉既跡像出現……

留在職場的苦澀味

新人永遠唔明白點解做得耐既員工比起佢地更苦惱,明明有份穩定既工作同收入,照道理生活都已經上晒軌道,但係依然係苦瓜乾咁既口面?

Slash 族——找回自己的人生

Slash族係依靠唔同既技能去賺取收入,而家資訊和科技發達,自學番一招半式唔難,令我地可以較易掌握到基本技能去彈性咁番幾份兼職賺錢之餘,更拓寬到眼界。對於僱主黎講,佢地可以係需要人手時就外判工作出去,省時費力,又唔需要俾額外既福利,慳到唔少固定支出。

食回頭草,能否再下一城?

食回頭草,多多少少有心理關口要過。想唔到,回歸既第一日,一班舊同事非常歡迎佢呢位救星返黎!大部分同事其實好明白點解當初佢選擇走,佢地又何嘗唔想呢?就係無勇氣。所以有實力既,只要唔係工作上做到一榻糊塗而被踢走既話,返黎做,why not?而且仲係返黎升職,理由冠冕堂皇!

世界級挑剔

一句Thanks就想使死人,問唔係問題,但係問之前唔會Expect有啲問題係唔應該問?

分個豬肉獎等你開心下?

為咗提升所謂士氣,上層決定要我地搞一個頒獎典禮去「表揚」一吓出眾嘅年輕嘅同事。大家立即面有難色保持沉默,心諗又嚟一次地獄式OT,真係怕怕。雖然只係初部建議,不過強調頒獎比年輕嘅同事唔驚會觸發年齡歧視咩?仲有啊,一班老Seafood一定會好不滿出嚟搞搞震,到時為咗安撫佢地唔通又刻意搞另一個頒獎典禮?大家滿頭問號之際,老細已經講到眉飛色舞

咩理由要走,大家心知肚明。係小薯未儲到大把年資之前,心入面依然認為前途最為重要。由於我係全team最低職位個位,所有苦力、跑腿既工作由我一手包辦,都唔緊要,起碼俾我知道有機會向上發展既話咁係覺得值得!不過答案係:唔係,由我入職初期,阿頭已經明示我係兩至三年既過客,講到咁白,自己都一早有定心理準備做完呢份約就要搵新工。

扮工三姊妹

佢班好姊妹就形容佢為最「仙氣」既一位,平時好安靜唔係點出聲,經常好弱不禁風咁披著厚厚既披肩同埋帶口罩。跟得上面兩位多呢,又有樣學樣開大個dual_mon玩group_chat!好好彩,佢個男上司坐佢前面,起勢劈里啪啦既打字聲絕對呃得下人架,當上司一起身三家姐就立即醒水縮細番個畫面,然後繼續係主mon扮工,再好斯文地起身拎啲P file出黎揭兩揭睇一睇又收番埋。

我阿姐近年自己新開左條policy,就係嚴禁我地同team之間互相重疊放假日子,一日都唔准!唔批!皆因有次佢自己同我地teammate撞左連續四日假,仲要咁岩都係去外國出席朋友婚禮。照道理我同事比佢早申請假仲已經獲批,係咪以為好完美無位俾人入呢?Office邊有呢枝歌仔唱,呢啲moment梗係拎個職級出黎大石笮死蟹啦!

見完工唔想等可以點

有啲人好心急既,一走人就立即send個email黎多謝所有見佢既boss,幫過手既hr云云,出盡花言巧語,甚至會講下頭先邊part答得唔係咁好,望多多見諒咁話。真係唔建議做呢啲多餘野,一來我地花時間睇你呢個email唔知覆唔覆好,二來呢啲說話係咪應該係interview完結之前就講呢?而家再講都唔會改變到結果,只會帶到煩擾既感覺俾人。

追求效率的魔鬼教練

逢星期一,魔鬼教練一早坐定定喺Office,邊個烏眉瞌睡返到嚟佢都一定會大大聲打招呼。你唔應佢呢,佢就響你全朵話你無禮貌,目的都係想叫醒你。邊個咁把炮?當然係王親國戚。不過呢位哥仔就係唔想被人話佢呢個空降Training_manager靠父蔭先有一官半職做,所以佢決定要落力喚醒大家工作嘅心。

心理壓力大到逼迫個女同事行去投訴呢一步,傳到全部門都知。平時同佢合作開,都有兩句傾下。最初佢借啲意問下我邊度有相關嘅Policy參考,之後都抵唔住頸同我呻:「小熊,我唔知同唔同得你講啊,不過真係無辦法啦,遞得信我都預咗唔撈,有時唔係話做多少少唔得,係愈來愈老馮咩都叫我去跟,我就逗個雞碎咁多糧

人走茶涼,好平常啫

話說有位工作近五年嘅女同事,對外一直好得人心,出咗名係好好小姐,而對自己老闆都算唔話得,幾乎隨時On_call,需要佢幫手時一定及時喺度撐住個場,如無意外嘅話一有空缺無走雞係由佢上架啦。點知人生就係有太多估你唔到嘅事,調咗一位唔憂做嘅肥哥哥嚟Under佢。呢位哥仔好識撈,經常貪完小便宜後拎啲戰利品返嚟哄老闆開心,平時又好落力照顧佢……

新年願望就係要認真改變

每年年頭時雄心壯志話要變得點好點好,到年尾結算時又完成到幾多成呢?結果又將自己想做嘅推去下一年再算。Office裡充斥住小薯,呢個年代多咗人志不在正職,或者咁講,份正職根本唔能夠令你安心去全情投入,公司一句Budget唔夠就唔續你約,又要重頭適應一份新工作。打工仔嘅特性就係咁,實際成果係公司擁有,而你就要諗點樣喺收緊人工時Benefit自己。好多性格較內斂嘅朋友仔﹙包括我﹚都有要同老闆同事交際嘅苦惱,唔識引起話題又怕講錯野被人笑,變咗好多時只係陪笑附和下。唔想存在感愈來愈低嘅話,首先要主動「露面」,咪下下返到Office就迅速將自己收埋喺位度,然後低頭食麵包,低頭處理文件,低頭發呆等收工。

循規蹈矩難上位?

有人擔保過公司一定會跟著你諗嘅故事線去發展劇情嗎?呢個年代好少呢支歌仔唱架啦,你一直等升,老闆無任何動作,咁都唔出去搵,只係你無勇氣而搵藉口。如果被佢發現你咁「好使好用」仲唔有風駛盡,變得貪得無厭?首先將你嘅Workload愈加愈多試你底線,要你做埋隔離Team阿A阿B阿C嘅工作。表面上話比你學多啲,實情就係誘導你產生一個願景以為Take up得更多責任就肯肯定升職在望啦!

辦公室不存在私人空間

你慢慢就會發覺,其實一個二個都係好介意公司嘅人點睇自己,要扮得自然係好考功夫。每日有咁多時間喺Office,要忍足全日保持微笑和禮儀,你堅持到一個星期,都頂唔到一個月啦!特別係女士每月嗰幾日,生理和心理真係需要特別照顧,皮膚可能變差咗,性情突然容易變得暴躁。如果可以有一個小小嘅私人時間去調整一下自己,唱首歌做陣GYM咩都好,總之有個位可以發下癲發洩下,先可以似番個人架嘛!可惜呢啲機會不是我的。Office_hour唔喺位做野,老闆實嘈嘈閉話電話無人聽點算?E貓遲咗覆邊個負責?作死麼?所以,匿喺洗手間頹一陣,又要表現到若無其事喺狹窄嘅座位度默默做!

頁 1 / 6123456