作者: 不平鳴
不平鳴

引到滅亡,那門是寬的

沙中線超支無上限,繼續撥款無人拉布,超支幾多俾幾多,東北撥款村民被逼遷但為地產商囤地起樓市民埋單無人拉布,二十三條立法,醫改引進連廣東話都聽唔明嘅大陸醫生無人拉布,仲有網絡二十三條,重啟政改無人拉布,呢班愚民認為拉布阻礙社會發展???對唔住,恕我無禮,我唔想話你地係愚民,但人心當狗肺

你個特衰政府個人口政策,每日百五個,加埋一大堆乜才物才,然後各大專院校一大班所謂外地其實係內地學生,人口不斷增加,交通醫療房屋配合唔到,唔係一句包容可以解決。

堂堂港大,以紅包金額微不足道去放生一個內地生,俾佢選校委會,我真係覺得世道唔同曬。簡直係慘不忍睹。大家覺得一句支那好侮辱咩??個個講到義憤填膺,鬧到梁頌恆游蕙禎翻艇,但對於呢啲已經入侵香港嘅大陸紅包文化就唔覺得侮辱???建制班友點解唔召集幾萬人反貪污文化呀?

近日唔少身邊嘅朋友問我應該投票俾邊個。在我來講,我唔會左右人地投票俾邊個嘅選擇,我認為呢點需要尊重。但既然朋友問我應該投邊個,我亦好坦白講出我心水嘅人選。我感激朋友們對我判斷嘅信任,如果大家到呢一刻都未決定到投俾邊個,唔好因為咁而唔投票,你可以問問一啲值得你信任嘅人,睇下佢地嘅意見,然後投票。我一直相信深耕細作嘅努力係有回報,你對身邊家人朋友點點滴滴嘅影響,然後再一層層推開,終於有一日會感動到政治冷感不理世事嘅一群。

黃台仰這個暴徒被牛津取錄修讀一個哲學證書課程,你覺得很容易?你自己報名看看人家收不收你?

落街飲茶,獲告知成間酒樓已被包場,心諗平日午飯時間屋宛商場嘅新開酒樓竟然包足全場大約擺到五十圍喔,咩事呢?!打探之下,再望入去,原來係田二少以新民黨之名包場攪左個聯歡午宴,我見每圍枱上每個位都有一袋禮物,全場呢啲鐘數會係咩人參與?!咪就係田二少在新西好堅實嘅支持者,成班阿伯阿嬸阿婆咯。田二少好清楚架,佢在新西攞唔到年輕嗰班嘅票,於是集中火力資源谷呢班客,事實佢做得好成功喔。一餐飯一張票袋穩,之前區選佢都贏左做好多地區工作實事嘅趙恩來過萬票啦!!