作者: 小盛女
小盛女
小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

除咗有好嘢食,仲有靚景睇,今次去大阪就上咗梅天空中花園,個夜景真係靚到喊,仲有去咗大阪城。有啲地方係模擬返以前嘅日本,好似天保山嘅美食橫町同瀧見小路咁,好多影相位,京都嘅清水寺、八坂神社亦好靚。

我只想身體健康

一個廿幾歲(好彩未到三字頭)嘅人點解都可以身子咁弱?我都唔識答你,其實以前我真係好少病,就算病都係兩日就好返,可能真係年紀大咗,工作又忙咗,壓力又大咗掛。

裸辭定騎牛搵馬好?

自從上次病完之後,成日都覺得個人好攰,好似瞓極都唔夠咁,可能係之前公司peak_season踩得太盡,搞到身心疲累。其實有時都忍唔住問自己,咁辛苦為乜?晨咁早起身迫地鐵,返到公司就變機械人不停摩打手做嘢,去到lunch_time先有短短一個鐘可以抖下氣,有時仲要比腦細捉住無咗十五分鐘,工作永遠堆到成座山咁做極都做唔完,準時放工根本無乜可能,唔多加班已經算偷笑,最令人頂唔順嘅係腦細24小時都會whatsapp我,無錯科技係好,但亦都會累死人。

一個人安穩久了便不想改變,懶改變,甚至怕改變,你以為人愈大,就愈有能力、資本去追求夢想/理想?非也,正因為人大了,想法更成熟,要考慮的因素才會更多,更加不敢放手去搏。現在我已在公司做了幾年,和同事相處也不錯,大部分工作都已經上手,正常是可以一直做下去,但我實在接受不了公司兩年以上才調整人工和發花紅,而且連最基本的病假也沒有,所以最近已有轉工的念頭。

追女仔最興奮係咩?咪就係收到女神電話,話想同你去街街囉,搵工期間,一有未知嘅電話打嚟就會心如鹿撞,因為隨時都係人事部打嚟叫你見工,面試係一個好好嘅機會表現自己,可以話係「不成功,便成仁」,首先梗係要上網做功課啦,了解下女神鍾意啲咩,查佢家宅,即係公司背景,核心價值係咩,做過啲咩推廣活動,有咩競爭對手,最好整埋個短短哋嘅計劃書。

做agency被客恰,做客就被agency恰,也只能怪自己不爭氣,對人態度不夠強硬,轉數不夠快,被人串也不懂反抗,往往慢幾拍,連我自己都覺得自己很沒用,「人善被人欺」這個道理在職場上一向適用,所以根本不是做agency或做客的問題,而是自己的性格問題。

餐廳在蘭貴坊附近,地方不大但氣氛不錯,暗黃色的燈配上白色餐枱布,好不浪漫。下單要用英文,只是看餐牌已感到有點吃力,加上侍應有口音的英文,真是聽到頭痛,只怪自己英文差,從前不好好讀書。二人套餐很豐富、前菜、主菜、及甜品,總共八款菜式。

零晨十二時正你叫我看rundown和mc稿?有病嗎?有病去看醫生吧!我當然不會回覆他,因為我實在不能再寵壞這個腦細,根本第一句我便不應該回覆他。如果下班後十一時多他覺得我不回覆訊息是不盡責,做得不夠好的話,我歡迎他隨時炒我魷魚。老老實實,這些工作又不是公關災難要即時處理,為何要這樣折磨員工呢?打工仔每天朝九晚六還要加班已經身心疲累,我要求不高,只是想睡個好覺而已。

人事部經理一個月前已經很興奮地和大家鄭重宣佈將會有兩個小鮮肉上班,全公司的女人都非常期待,因為小妹公司的男同事平均年齡都超過四十或以上,每日都是除了叔叔,還是叔叔,感覺實在有點頹廢,雖然韓國掀起的大叔熱潮還在,但可惜公司的大叔們不屬孔劉那一款,而只是一般在街上看到的「真」大叔。

腦細都有一個通病,就是永遠覺得自己已經對員工好好,員工一定不會離開公司,平日即使你做到101分,他也只會覺得是理所當然,然後當你有一天說要辭職的時候他才會突然發現你的好,並心想:「死喇,平時阿邊個一個頂十個都係出一份人工,仲要人工唔高,佢走咗分分鐘要請兩個人返嚟頂,咪蝕晒!」於是這時腦細才會加你人工,甚至加到和新公司一樣價,再打人情牌,和你說:「做生不如做熟啦!我一直都睇好你㗎!」哄你留低。

我係一個好仆街嘅主人

通常小學畢業都會去下camp,但係好可惜我哋學校無呢啲,只係成班同學仔去海洋公園食lunch,我記得我最好嘅朋友婷婷一見面就送咗份禮物畀我,仲千叮萬囑我要返到屋企先可以拆,又話唔知過咗今日之後幾時先有機會再見面,後來我食食下飯發現大髀涼涼哋,於是打開個袋睇,原來份禮物已經滲緊水,張花紙都霉晒,我唯有被逼拆開份禮物嚟睇。「吓!烏龜!?」

到你做多幾年嘢,你就會發現有啲腦細真係可以好賤,自己賺大錢但係少少都唔會分畀員工,工作不停加但係人工就只係加咗丁屎咁多,都唔知追唔追到通脹,甚至再衰啲唔加添!因為要同公司共度時艱,但係公司好景嗰時又唔會同員工分享成果㗎喎,你知啦而家物價上漲,出街食碗雲吞麵(X記,自己估)都可以好貴,仲要唔好食添,真係生活艱難!

最近採購部同事放假,腦細又叫我幫忙,大佬我識條鐵咩?然後腦細說只是手板眼見工夫,先叫不同供應商報價、再試貨、製excel表、落單等等,無錯的確不是太困難但也很花時間,重點是關我叉事咩?同事臨走還要送個地雷給我踩,說有件貨要落單,紅色一百件,後來我安全起見再問腦細,才知道是要橙色,如果我聽她說訂了一百件回來,真是賣身都不行。

掃地呢份工真係唔易做

不要以為掃地是件小事,每次打風後整條街都會滿佈樹枝、樹葉和垃圾,簡直寸步難行,也很容易絆到,也是全靠伯伯一個人清走。伯伯平日會先把落葉堆在一旁再一次過掃走,於是整條路上都會有一堆堆的落葉,可是有時大風一吹,又要從頭掃過,真是需要極大耐性,而他就是這樣默默地努力地做好這一份工。

我不是甚麼專業食評家,只是一個非常喜歡食好西的普通打工仔,以自己的口味去判斷哪間餐廳值得去,哪間餐廳有伏,用字沒有特別雕琢,也沒有用專業相機來拍食物照。最初我的食評很長篇大論,後來我發現其實最重要是食物相片、好不好吃及價錢,所以之後都簡化了,又可以省點時間寫多幾篇。

無可否認,人靚真的比較多著數,至少兵都可以收多一點,發姣都可以稱為不造作、率真。說句公道說話,盈盈都算靚,雖然比她有氣質/靚的藝人也大有人在,例如李佳芯、黃心穎等,但盈盈都叫做比上不足,比下有餘。靚也分很多種,清純的、詩文的、誘人的、可愛的,不知道盈盈應歸哪一類,只感覺她在女人角度來看是不討好。