作者: 何君默
何君默
全職港奴

我見我老友喺度喊,梗係問佢乜嘢事啦,其實咁大個人都估到,通常有煩惱嘅唔係做嘢,就一定係女人。而呀輝喱一類忠忠直直又冇乜拍拖經驗嘅男仔通常都係為女煩嘅,我就直接問佢:「係咪你條女唔聽話呀?」跟住佢就點點頭,然之後佢就同我講條八婆背住佢玩tinder flirt仔。

通常自傳就好Q悶嘅,但係呢一本書確實係幾精彩,作為馬來西亞嘅首富,出嘅自傳果然係有啲質素。就好似係香港,如果李嘉誠突然間出番本自傳,即使大家都知道佢係做塑膠廠起家嘅歷史,唔多唔少都有啲認識,但如果一講到佢自己親口講吓自己啲發跡史嘅話,相信大家都會有興趣買黎睇下入邊會唔會有乜嘢秘密或者獨特見解可以值得我哋去參考。

陳智燊與宋熙年

某一日Office啲三姑六婆又喺度睇緊報紙嗰陣時,見到陳智燊同宋熙年幅相,就喺度講:「真係鄧呀陳智燊可憐,娶咗個惡婆返屋企,注定一世俾老婆蝦啦!陳智燊咁高大靚仔又有錢,竟然會揀個咁普普通通嘅女人。」我望一望個班三姑六婆副咀臉,真係笑而不語。

同阿媽同埋同條女去旅行係一定有分別嘅,但係我真係從來冇諗過同阿媽去旅行可以去得咁過癮,咁開心。

Ben sir 告急

其實我係幾欣賞Ben_sir嘅,因為原本喺普通人嘅眼中,中學大學教書嘅老師教授個個就好似係象牙塔嗰度痞左唔知幾耐嘅鋪塵老古董咁。但喺突然間有一個咁跳脫嘅阿Sir走出黎用廣東話俗語同粗口嘅典故,去令到大眾更加容易入口,更有興趣去明白返廣東話其實係非常之有趣,同埋有佢嘅保存價值,係筆者樂見其成嘅。

Tommy 仔可以話係非常之有獅子山精神嘅香港代表人物,同香港樂壇興衰並濟。由e-kids三子出道,出過熱門嘅情歌,試過比人話爭人錢冇還,又整個MV向G-Dragon致敬,其實佢係樂壇花費嘅努力同埋承受嘅壓力係我哋一般凡人想像唔到。但係喺大部分人心目中,依然都係擺脫唔到佢地嗰個「會考加埋三個唔過5分」同「老MK」嘅印象。

OK,如果你話你睇緊嘅係A片,fine,係嘅,如果真係啲劇情唔錯而嗰個女優係你鍾意個類型,身材又好L正嘅話,其實睇多一次,又或者睇多N次都無可厚非。因為套甜片只係你嘅手段去從而達到你嘅目的,就係左青龍,右滑鼠。本人表示極為體諒。但試問你入去戲院睇一套好感動嘅戲,例如近排上映嘅Coco咁,我斷估你唔撚會再入去j Coco掛?

其實我開頭同佢一啲都唔熟,只係知道佢爸爸幾有錢,但一早已經唔係到,一直以黎都係由阿媽湊大佢,所以份人比較斯文,但係男仔堆入面個個都講女講波笑呵呵嘅時候,阿政就好似一股超然世外嘅清流咁,自不然會俾人誤會為hehe之流,基本上無咩事,大家都唔會打擾佢,生怕自己被當係「劍擊學會成員」。

肥仔之所以肥. . . . . .

當冬天個個都要攬住條頸巾嗰陣時,你有一個肥仔男朋友企係你隔離,就好似多咗一個紅外線電暖爐咁,連手襪都唔使買。再者,即使去到AIA個嘉年華嗰度,見到人哋條仔出盡九牛二虎之力先擲到個淘寶都唔使40雞人民幣嘅垃圾大公仔嗰時,雖然你個肥仔男朋友乜撚嘢都擲唔到,但係你可以以近乎勝利嘅眼神睥睨企係你隔離嗰條MK妹,然之後緊緊咁樣攬實你個男朋友,嗰一刻嘅滿足感簡直非筆墨所能形容。

每次一提起新加坡,大概你只會諗起肉骨茶同喇沙再加埋一成不變嘅沉悶生活。但最有趣嘅係,好多人又好鍾意拎香港同星洲比較「人地新加坡發展得幾好呀,啲GDP一路咁升緊,你睇下我地香港回歸之後呢……」其實坦白講,一個地方同一個國家有無可比性先?好啦,咁言歸正傳,都係講番女先。

有趣嘅係,每當一堆「成功人士」講起自己幾有「獅子山精神」嘅時候,佢地面上流露嘅神采,據天功為己力嘅語氣,確實係幾教我地喱代人歎息。因為我地明白一個輝煌時代,一個絕佳時機嘅重要性。越南柬埔寨啲童工雛妓夠唔夠勤力?夠!怕唔怕蝕底?唔怕,因為佢地無得選擇自己嘅人生。佢地有無「獅子山精神」?梗係有!但各位看倌,你地覺得佢地嘅將來美好嗎?

望住窗外前幾分鐘仲係烏蘭巴托廣闊茵茵平原,轉眼換成波光粼粼嘅海岸線,一幕幕仿如置身千與千尋入面,離奇而玄妙。忽地耳畔傳來一陣結他聲,你一步一步朝住結他聲走去,直至見到一個女仔嘅身影,一件navy_blue嘅hoodie加一條老牛再配一對新平衡,一綹秀髮旁落半掩面。「可唔可以俾我繼續欣賞美妙嘅音樂?」一個唔小心chok左個李奇腔出黎添hihi,心裡暗暗自屌一聲,佢望左過黎笑一笑,然後繼續彈結他。