分類: 陳小球

出奇過出奇蛋

直至近年,電視廣告又再展現出奇蛋的演變 ─ 今日變成以膠殼包裝的「奇趣蛋」。早排復活節我見超市有特價,結果就買咗一隻,打算感受下節日氣氛之餘,順便回味返童年的感覺。只見當年的蛋形的朱古力已變為膠製的半邊蛋殼,盛著用匙拂嚟食的甜死人朱古力,朱古力中更嵌入兩粒微妙的脆脆;另一半蛋殼就放著玩具,雖然事過境遷,但玩具的種類卻十年如一日,我又抽到一個老鼠擺設……

我與藍色雪糕多瑙河的首次懈逅

直到今時今日,褲豪雪糕車喺我眼中的印象已經唔係好食,抵食之類,而係成為一個香港特色ICON,雖不至於成為一個消失嘅集體回憶,但至少成班小學雞追住車跑嘅畫面已經無乜機會遇到,而紅白藍嘅雪糕車身,亦開始俾廣告商睇中,貼到成架廣告巴咁,呢啲唔知係咪顯示意識形態嘅消失呢?重有另一樣可惜的是,就連OK軟雪糕都成為我的回憶之一了。

有雞先有蛋先定係有雞蛋仔先?

要數香港嘅特色街頭小食,雞蛋仔理所當然係其中代表。每次放學一出門口,就有一個年約六十嘅阿伯拉住架車仔,一路唱住馬小玲一路將蛋漿倒入模具之中,不消一會,新鮮熱辣的雞蛋仔就出爐了。當年煤氣爐在街邊車仔檔中可能重未普及,阿伯的雞蛋仔使用炭爐製作,佢將一個個貌似蓮藕的煤放入火爐內,在小學雞時代的我看來並非了不起,但喺呢個買少見少嘅年代,炭爐雞蛋仔竟然逐漸成為一種特色賣點,實在唔知講乜好。

魔法少女變身!

呀,講到真正變身,除咗由少女變成豬嘅寶妮之外,喺《尾少女戰士死啦悶─最後星光》入面嗰三條「星光三劍俠」到底是否算真正變身,就非常值得研究了。本來為男兒身的他們〔動畫有無上裝泳衣照〕,一變身後即刻變有胸又著裙,到底佢哋算係變性定易服呢?至於何解魔法少女動畫變身(換衫)過程係咁詳細而且赤裸裸呢?嗱,既然片中有咁多囡囡,一眾麻甩觀眾們當然都想細看身材啦!當少女們配合音樂由頭換到落腳,最後完成再擺個Pose呢一連串動作去講畀大家知「我換完衫喇」。雖然可能變身過程喺設定上其實只係短短嘅三秒,但只要將呢三秒慢鏡重演就可以令動畫製作每集掙多成分鐘之餘,亦令不少男性觀眾熱血沸騰。

含得啜得嘅戒指

戒指糖,小學時代女生至愛,人人都期望只要戴上呢隻戒指,就可以變身做魔法少女。話明係糖,當然含得啜得。但因為糖係會越含越細,所以一眾少女們都會作出以下選擇,就係一日未玩厭都唔肯將其放落口。未知大家會否意會到將糖長時間暴露於空氣中是多麼的黐塵,食糖時再將啲塵食埋落肚,真係名乎其實的「食塵」了。記得此舉曾令同學A個肚足足屙咗成日,搞到之後每次玩完都要好似食生果咁,要用水沖洗過先敢享用。