分類: 識飲一定飲葡萄酒

我一坐低,menu都唔使check就叫左句:「服務員,來一客椒鹽九肚魚。」大家有無留意,椒鹽九肚魚一般黎講呢,都會好似好九唔搭八咁跟碟醋。Admin有個極度簡化嘅觀念,就係跟得醋嘅野呢,我都會試下夾意大利紅酒睇下得唔得嘅。今次我就帶左支Caiarossa嘅Pergolaia2006去會一會佢。

得罪講句,假若天氣再熱多少少,例如話上到三十三度左右丫,Admin係屋企呢,基本上係唔着衫嘅。除左唔着衫之外,降溫基本上都係得個幾個options嘅啫:飲檳、飲白、飲Rose。今日想講下白酒中嘅一大板塊:whiteBurgundy。

其實點先叫靚酒?

話說識飲admin去左荼毒青少年導人飲酒。小朋友入世未深,又經唔起挑釁,一個個拎住自家水杯排排坐等斟酒,場面實在令人鼓舞。席間有一好奇廢青問曰:「其實呢,啲酒點分靚唔靚?」呢個問題問得非常之好,我亦都好樂意解答呢個問題。

有個friend就話:「咦喂,香檳?士多啤梨?呢個配搭好淫賤喎!」然後佢頭也不回就去chill左支香檳,洗好士多啤梨,跟住見有啲時間就沖個靚涼,梳個靚頭,着起件浴袍,含住支雪茄就周圍同身邊啲囡囡講「How you doin’?」

識飲男人最好仔

學誠哥話齋:「做男人唔識飲酒,識唔到好朋友」。飲得酒,同人social、識新朋友呢啲可以話根本無難度丫。當中仲有唔少係英意德法文全部up到兩嘴,拖佢出黎見鄉親父老,完全唔失禮丫!

呢支ChocolateBlock就好似一位亞洲古國嘅女性一樣,剛毅同溫柔,兼而有之。有啲刺激,又有啲神秘。佢或者唔係你隔日就飲嘅housewine,但絕對係一次衝擊你平淡日子嘅新奇偶遇。係飲完最後一滴酒之後,我覺得自己係孤獨嘅,然後我頭也不回又去尋找下一個偶遇。

82年Lafite固然係一支好酒,但係絕對唔代表世界上無其他好酒,更加唔係驗證好酒嘅唯一標準。可能好多人都聽過,ChLafite係屬於「五大酒莊」之一。所謂「五大酒莊」,係指ChLafite、ChLatour、ChMargaux、ChMouton以及ChHautBrion五支酒。所以最最最基本咁諗,起碼都要知道ChLafite有其他同輩兄弟掛。

為左一圓細個時候嘅夢想,識飲admin決定懷住最少嘅chem知識,問Drgoogle一個埋藏係我內心深處好多年嘅問題:究竟單寧酸係咪即係單寧呀?

好多人夾食物或者煮某啲地方菜式時,會用返當地出嘅酒。煮家男人示範中亦正正用左一支Tuscany區嘅Chianti。呢個做法其實極大機會係正確嘅。好簡單,係悠長歲月嘅演進同埋淘汰之下,既然個種食物,同個種酒,係可以係同一個地方,一齊survive到今時今日,喂,就算唔係天作之合呀,都唔會撞到你要掉低筷子掛!

芝士同紅酒易夾可能好多人都知,但其實好多芝士同白酒或者香檳一樣易夾,甚至好多時係夾得比紅酒更加好。就講芝士火鍋,傳統上多數會用到嘅芝士例如Gruyère或者Emmental,同白酒嘅配合度非常高(當然啦,而我不知道乜乜屋用啲咩芝士嘅……),加上傳統上煮芝士火鍋其實係會加白葡萄酒(一樣啦,而我不知道乜乜屋係點煮嘅……),所以一般我都會揀白酒黎襯芝士火鍋。

有一種幸福……叫Tasting

為左令tasting更fruitful,好多時候係有一啲主題嘅。今次我去嘅tasting,主題係意大利Chianti名莊CastellodiAma。都唔夠,仲要再fruitful啲,好多時候仲會加埋verticaltasting/horizontaltasting嘅元素。

葡萄美酒硬膠杯?

無杯點飲呀!葡萄酒酒杯要玩呢真係可以玩到好講究。有啲酒杯牌子直頭出到唔同葡萄品種都有一隻專用嘅杯。咁當然,又唔係吓吓要玩到咁大嘅,好似我呢啲凡夫俗子,屋企都係得幾款大路嘅杯嘅啫。不過酒杯嘅形狀、大小,以至材質,都確係對葡萄酒嘅表現有幾明顯嘅影響。