分類: 隔場有爾

祖國新疆維吾爾自治區溫宿縣近日向全體居民發出通知,為咗地球嘅和平,強國嘅安寧,如屋企或者公司藏有帶有刀刃嘅器具,即係好似菜刀,生果刀,豬肉刀,都必須喺2日之內自淘腰包比三蚊人仔攞去刻上自己嘅身份證冧把,違者將會在「大清查」之時予以末收,並且「問責追查」,實行皇天擊殺。

一時就滿天神佛,一時就皇天擊殺,一時就同黨中央好有默契,一時就叫習近平上吊,鑊鑊都有新搞作,好多從事藝術創作嘅朋友都好想知道陳雲個腦係裝乜,邊度黎咁多源源不絕嘅靈感。國師今日就透露咗佢嘅決策參考指標,登登登凳!答案居然係城邦皇室嘅夢境,真係估倒一半都算你贏。

林鄭為討北大人歡心,本想搞個故宮博物館整色整水,點知依家搞到唔湯唔水,先比人質疑佢程序上有所縮水,今日仲比反中亂港嘅支聯會襯機號召市民前往抽水,選舉工程搞到半桶水,當選賠率插水,呢個特首夢已經凍過水,睇怕都要提早散水。

又到咗陳雲每日全國性講話時間,國師話今日就有兩個突發消息:第一個係北京不准許曾俊華辭職,但答應以亞洲投資銀行副行長的職位交換他不參選特首,曾俊華拒絕了交易,看來這位英美的代理人要打一場選舉硬仗,與中共的代理人對碰。

承接昨日「特朗普攻擊中國的時機到了」貼文,國師陳雲繼續發表全國性網上講話,分析中國應該如何「配合」美國打擊然後繼續執政。陳雲認為中共應在台海主動激起戰火然後迅速被秒殺,繼而鎖國自保,並且台灣會在戰後建國。

香港國候任臨時大總統、華夏邦聯主席陳雲晚上發表全國網上講話,分析最新中美國際情勢,指特朗普攻擊中國的時機已到。

梁游宣誓事件後,整個香港嘅本土派各路人馬沉寂一時,好一段時間都冇咩新搞作,近日城邦派烽煙四起,先有著名時事評論人「賢弟」盧斯達不滿陳雲放任支持者四出清算,又長期吹噓自己搭通天地線同共產黨好有默契而鬧翻,多名資深元老亦因「皇天擊殺」亦同國師爆出火頭,被逐出城邦派。

近日積極籌備九龍西立法會補選嘅社交網絡紅人中出羊子入手咗一部二手MacBook,但係用咗唔夠兩個禮拜就被其老公「餅餅」發脾氣掉爆咗,死狀慘烈。

是咁的,一向有方丈之稱嘅高登Admin忽然唔再小器。是關近日有高登巴打不滿第三方手機APP被河蟹,於是另起爐灶發起咗高登三哥LIHKG,大量巴打絲打紛紛轉場,氣勢有如滔滔江水連綿不絕,更有如黃河氾濫一發不可收拾。面對大批用戶流失,高登方丈呢獲都算頭痕,今日小編朋友仲忽然收到方丈電郵,話被BAM多年嘅帳號忽然被解封Wor。

選舉管理委員會於今日提出九月立法會議員參選人必須於提名表格中聲明擁護《基本法》及效忠香港特別行政區,否則將不獲有效候選人提名,本報訪問作為新界西大熱門而又係高調主張勾結外國勢力大範圍搞港獨嘅中出羊子,但佢回應時就表示冇有怕,話自己係擁護基本法,因為基本法本身存有修憲機制,香港人係可以合法合憲地勾結美軍帶路上北京逼使同意修憲,廢除基本法第一條以達至建國獨立效果,仲話可以攞支槍指住那近平個頭,要佢裝橙色衫在電視機面前承認中國改變對港方針以滿足修憲條件,所以就算簽署,都唔擔心會構成違反「擁護基本法」嘅聲明而負上刑責咁話,會繼續如常收集提名,大範圍搞港獨。之但係又會參考本民前徵求的法律意見,希望可以共同進退咁話就最好啦。