專題: 中佬手記

【中佬手記】港喱生存之道

掃下啲留言,除咗同聲一哭嘅 icon 之外,「我好明白佢嘅心情」係最常見嘅回應。另一個 post 「大家都是香港人,為什麼剝奪我子女讀書權利」入面又係一大堆火滾 icon 。 鬼咩,用普通話去講自己係香港人,真係太有說服力。不過簡而言之,百幾二百個留言,抒情發泄居多,討論成份有限。即係,睇完之後又 move on 。呢個現象同呢兩日我見到左右兩翼嘅派系由 64 鬥到立法會再鬥到去 Facebook 簡直係兩個極端。由累積多時嘅私怨,到出席人數同成份嘅拗撬,到為咗保衛新界東北而衍生嘅吹雞、自拍、衝擊、階段性勝利……個個喺網上有頭有面嘅人物都講到咬牙切齒,血肉橫飛,緊張過自己心肝命椗。咦……

【中佬手記】識人好過識字

如果,我話如果,你代入你老闆嘅身份,你會點揀?見到一個默默耕耘、做實事(有冇做柒事老闆未必知)、做得嘢、喺現有崗位頭頭是道嘅同事;同一個長袖善舞、人脈遍佈五湖四海、有事叫起手搵到 Mr. Right 或 Mrs. Right 幫手解救嘅同事,二揀一,升邊個?

我呢啲中產朋友就將精神集中喺控制得到嘅事情上面,例如生兒育女、相夫教子、買車買樓……我知,跟住大家就會搬出至理明言:「你逃避政治,政治遲早摸上門。」 But so what? 香港人適者生存、能屈能伸嘅「獅子山下精神」此時此刻喺我嘅中產朋友身上全面體現。 It’s all about determination! It’s all about problem solving! 由返學到返工培養嘅解難能力,套用日益收縮嘅生活環境之中就好使好用。醫院產房資源緊張?早啲 book 定囉。藥房冇奶粉賣?轉牌子好、全家總動員十八區搜羅又好,總有方法。「普教中」、「洗腦教育」?喺屋企管教好啲囉,再唔係用多啲錢送佢哋入直資、入國際學校甚至掟佢哋去國際學校啦。

喺 2014 年 嘅香港,我真係連作答「喂,你會唔會生小朋友」呢個問題都有困難。唔關選擇困難症事,而係呢條問題太複雜,要有一個中肯理性非鳩答非隨口 (簡稱「中理非非) 嘅答案,必須經過慎重思考,考慮七籃子因素,平衡各方面利益……然後擘大個口得個窿。

政府一開波就 set 晒 framework ,你唔跟佢嘅規矩去玩就係離經叛道。喺咁嘅陣勢之下,遊戲結果基本上都喺政府掌握之中,差在係咪絕對採用民建聯嘅「 50% 提名委員支持先可以入閘參選」 方案。絕就絕在,如果要多過一個侯選人入閘參選,就要有提名委員提名多人,但係特首席位就得一個,咁啲提名委員個腦諗啲乜?三心兩意、橡皮圖章定係畀咗入場券幾條友之後再等佢哋拉攏?換句話講,民記一係要提名委員「食兩家茶禮」,一係就淨係畀一個絕對安全可信兼得到中央祝福嘅人入閘,香港市民普選投條毛。

莫耶斯下台,傑斯臨危受命做「看守領隊」,令呢位曼聯傳奇嘅球員生涯終章添上一重色彩。嗱,我冇講咩色,亦會靚咗定係會畫蛇添足。我知嘅唔駛喺度寫啦大佬。又唔怕講,呢篇嘢開文早喺開波半個鐘之前,唔係你邊得嚟場波一完就有得睇?真係當我車字摩打手唔駛時間咩。

今日對於英超其中十九支球隊嚟講,可以話係黑暗嘅一日。因為間接協助佢哋打破多項不光彩紀錄嘅曼聯領隊莫耶斯被炒魷魚。 In Moyes We Trust? Moyes is out already! 老實講,「被欽點的一位」 (the Chosen One) 同曼聯簽訂六年合約,都冇人諗過十個月就斬纜。原先莫耶斯仲牙斬斬計劃世界盃之前率先增兵,家下可以計劃下暑假去邊散心休養。

【中佬手記】推己及中產

如果以上想法真正反映離地中產嘅心理,咁開發大嶼山以至郊野公園就變得好合理。如果香港人嘅後花園,喺偽豪宅住戶心目中等同屋企個會所,咁外面嘅世界係點,其實都真係事不關己。