專題: 婚姻這種邪教

《婚姻這種邪教》

很多人說xanga是潮童集中地,固其然也,但同樣有很多奇人異士。史兄就是其中一位。已忘了是如何知道(?)他,可能也是經他的「密友」庫大吧﹖Xanga還有個「教主」組織了一個叫「原人圈」的神秘組織,史兄儼如XX神教的光明左右使(/史/Shit﹖)般。

「既然佢咁對你,而家離開咗,都唔使難過。有陣時,我哋好容易為傷害我哋嘅人痛心。唔甘心,痛恨自己浪費咗青春,蹉跎咗歲月。你今日終於了解佢有幾仆街,係件好事,因為你有足夠嘅理由去離開佢,忘記佢。冇佢一而再、再而三咁做呢啲事,你可能反而一直對佢念念不忘。」欲知後事如何,請購買鄙人傾盡全力編寫的首本小說《婚姻這種邪教》。小說已在各大書局有售。

(史兄出品必含粗口字,慎入)Joyce並唔係一個所謂「港女」。港女會黐四吋眼睫毛、十隻手指唔同款嘅指甲、搽三吋厚嘅粉,一身名牌,開口中英夾雜,極度崇尚物質主義。而阿Joyce……極其量佢只係一個師奶、一個會用Gucci嘅師奶。雖然佢只係三十歲,但個種老氣,成個四五十歲嘅師奶咁 - 好似你公司裡面開口埋口「我老公話~」「我老公話~」嗰種女人。

「Joyce只係一個普通女人;大部分普通女人,都信奉婚姻宗教,普遍恨嫁。對好多男男女女嚟講,婚姻係一種宗教,更接近一種邪教。好多人有股不知從何而來嘅信念,深信到某個年紀就要信教、進行儀式,即係結婚。佢今朝同我講『差唔多係時候』結婚。我估大概就係呢個意思。好多朋友,同舊伴拍拖多年,臨門一腳散咗;佢哋好快再拍拖,好快就結婚,就係基於『唔遲得』呢條教條。好似搭地鐵趕上尾班車咁款。趕住去投胎咩。」

(涉及成人情節及用語,慎入)森哥同女友Joyce拍拖七年,佢對阿Joyce,似屋企賓妹多過似女友;事實上,Joyce真係似佢老母多過佢女友。一齊食飯,Joyce會先搵晒有乜餐廳,問問森哥,訂好晒位,爭在未餵埋口。起居飲食、衣食住行、吃喝玩樂,Joyce全數幫森哥安排好;不過,無論阿Joyce服侍幾周到,森哥對佢都係呼呼喝喝。果然有潮州佬嘅風格。