專題: 成年人形生物如何學英文

咁大個人你又唔係唔識英文,又唔需要好似啲中學生咁「建立對英文興趣乜乜乜」,你睇成篇BuzzFeed無聊文/睇成套美劇先學到三四個字,重要學完未必記得,咁樣抵咩?相反,你上網、睇YouTube片時喺隔嚟開Note,睇一條五分鐘嘅片Jot低兩三句嘢,一個月積埋都有成百句。搭車時無聊碌呢張度身訂造Note,每一句都係精華,咁樣溫書用嘅時間唔多,一定抵過你睇成套兩個鐘美劇先學到三四句嘢。

學習從來都係積小成多嘅事,其實只要識睇,每日睇兩三段新聞都可以好有用。自學者一定要諗清楚自己手上嘅閱讀材料、工具到底畀到啲咩你,然唔係全份嘢睇曬吞曬就當學咗。如果你搞清楚你睇英文新聞係為咗求知訊(全篇睇曬)定係學語文(跳住嚟睇、揀嚟睇),咁樣睇新聞學英文就會有效率好多。

包括HKU呢堆淨係識鳩叫嘅生物,香港唔少土生土長成年人形生物(尤其英文中學長大嘅)其實呢世人隨時寫英文多過中文,唔計Facebook_fd嘅status同政治罵戰,每日睇中文同英文嘅文字/片可能差唔多——無計,太多無聊英文Page呀Channel呀會攝走你好多時間,亦好多時會直接用Text_Book_style嘅英文思考。