專題: 汽車技術

欣賞賽車

賽車運動其中一項工作就是要將引擎性能極限發揮出來,但又要因應油箱存量形成的負荷問題減至最低,即係要「燒少啲油但又能跑得最快」;另一樣要有更嚴謹設計和現場調校的就是制動系統。可以話賽車數據讓車廠套用在量產車款,以改善燃料消耗、汽車性能及安全裝備等等。

限制車齡就是環保?!

車齡限制計劃硬膠之處,就係重型車輛設計使用壽命隨時超過20年,以里數計係可以逾200萬公里,Product life cycle都未用盡就要劏,呢啲唔算浪費呀?!要解決廢氣問題,筆者同晴朗哥哥都寫過好幾篇可以更換引擎就能達到目的。成本只是一架全新車嘅三分之一;一副引擎造成的廢鐵即使係最大型排氣量逾萬cc的也只約一噸左右。到底邊個做法先係真正環保,唔該張小姐同各環保團體搞清楚先好講嘢!大陸製旅遊巴士嚟咗香港十年,運輸署驗車的確做得到把關,沒甚麼安全問題。但是駕駛操控、設備使用同可靠性根本符合唔到業界要求。共匪治區嘅使用年限係八年,試問乜龍乜通會為香港造一架好襟用嘅車出嚟嗎?早陣子也有大陸貨車引入香港,賣唔賣得去就無打聽。但如果車齡限制計劃成事,以用家角度就是「反正都係夠鐘要劏,做乜買咁貴」。