專題: 港式婚禮新郎喊苦喊忽自己知

百分之八十既準新人,有邊一對一開始唔係咁振振有辭(我都係啦)?講真,香港今時今日,邊個可以有咁多心力同財力想大搞,唔簡簡單單分享下「小確幸」然後兩家人高高興興溫溫馨馨,將慳到既錢,去一個豪華D既渡蜜月,或者儲落去第時(如果仲有機會)上樓既裝修費入面?

「NICOLE,你男朋友PROPOSE左牙???」搞咁耐,加左咁多茶都未肯走,就係為左呢一句。

呢篇文唔係想針對任何人,而係想針對整個已經真心痴左線既風氣。而更痴線既係,有D人仍然認為係今時今日洗少少錢,鋪張少少,搞一個人生只得一次既婚禮,係正常,係最低GRADE而且係無可厚非既。係,依家講緊果少少錢,係平均數緊港紙三四十萬。當好多人都係度呻窮,拎唔出過百個俾唔起首期無屋住果陣,唔知點解婚禮仍然可以一屈三四十皮,接近上車盤既首期一半,又覺得『正常啦』、『差唔多啦』。整件事,慘過鋤D俾人四炒。