專題: 無盡旅途

我係阿揚,幾個月前我仲係一間電視台既員工,任職其中一個部門既助理編導(簡稱PA)。
PA既工作講就十幾萬樣野,落單,搵景,度人,約演員,開會對稿,寫rundown,出通告,出外景,mark鏡頭,安排crew車,後期,剪片,搵音樂…總之一腳踢,有時茶水同保姆都要做埋;其實做落就打雜一樣!但係o係呢間公司有樣好既,就係可以連PA都可以參與創作同可以好開放咁表達自己既意見,所以都算係搵到好多野學,亦都令我好想繼續留o係呢間公司,希望可以盡快能夠獨當一面。