專題: 珠海書院

「Morning call?咩嚟㗎?!」朋友解釋,呢個Morning call係畀有需要嘅同學去用,而唔係全系學生。顧名思義,同學申請咗呢個服務,交埋個時間表同聯絡電話之後,如果有至少一堂係朝早九點堂(不同於普通大學嘅八半堂),佢哋就會派人去Call申請者,提醒申請者要出門口返學。朋友重話,因為珠海學院係有點名制度,會計落平時分(一般佔每科嘅10%),如果出席次數唔夠一定數量,就唔可以出席Final,所以呢個系會服務可以幫到一尐有需要嘅學生。