公民廣場的三件事

原載於:MTR Service Update page

通宵巴士番到屋企,望住鎖左閘嘅車站出口,原來天仲未光。64.71、10號風球晚,眾人都習慣左,我地會不分晝夜,同大家在螢幕見面,用鍵盤談話

又因一句「全力響應」,尋晚大家傾巢而出到添馬艦,我地一樣即時發佈服務變更、教大家轉船過海,再應大會呼籲提防民建聯滋事...下面3個小片段,讓我們銘記於心:

(圖左)添馬艦每晚上萬人,放工放學後上公民教育公開課。天氣炎熱,有人不支暈倒乃司空見慣。昨日人數放大12倍,救護車進出,大家一樣自動讓開。換轉在中國,你話啲人會見死不救,定係鬥快搶病人嘅財物先呢 😀 ?

(圖右)淩晨3點,碰見朋友席地而坐,佢地下午已嚟到,獲發市民捐贈的帳篷。一路起營,一路講笑:「隔離無位,不如市區重建,廢事浪費地積比率,一於就放晒財物入去啦!」結果我地學林鄭,「強拍」左搬唔切野嘅朋友。老一輩同左報,終日批評新一代「政治化」。事實,生活離不開政事,我地只係重演,林鄭同保蝗黨,如何將供左一世樓嘅老人家,趕出去瞓街。同時,有市民夾錢,為在場人士買麥當勞、食水,無私為大眾


(原圖:獨立媒體攝

 

香港50年代,由英國人製訂的公民教育課本,教導小朋友需守法、不亂拋垃圾、不爭先恐後、響應慈善等;中國兒童讀本,反而教育小朋友,毛澤東思想點醫精神病、「黨指揮槍」點解放世界人民!

放眼世界,得中國、新加坡有國民教育。幾年前,日本打算要老師義務升國旗,老師拒絕;幾日前,法國打算要學生學唱國歌,家長拒絕。但現存的2個中國,學生升國旗奏國歌,都要感動、敬禮

老師有無質你知..香港旗上的紋章告訴世人:香港建基於英國人帶來的法治、普世價值;加上本地人嘅傳統智慧,成就舉世聞名的東方之珠?無~ 因為奧運場上,升得起香港旗,已是港人的光榮!

日以繼夜、夜以繼日嘅集會,就係教育年青人,如何做公民

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️metroride.hk/ServiceScope

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 20211
Date: 2012-09-08 06:54:58
Generated at: 2020-02-21 08:06:22
Permalink: https://www.vjmedia.com.hk/articles/2012/09/08/20211/公民廣場的三件事