大會,你對唔對得住我地呀?

(原載於:MTR Service Update page

 

台上一句撤走,請問台下同意嗎?

又又又因一句「全力響應」, MTR Service Update同事至今10日,24小時輪流換班,發佈服務應變、編寫大會消息(講都講到厭),結果換來高帽一頂,實在萬分感謝大會協助!

左报、党台、民建联等,指佔領「是破壞派的選舉操作」,結果大會真係9月9日,就宣佈要撤...出,「破壞派攪事」呢頂高帽,成功扣上我地頭頂。

筆者本打算坐頭班車回政總;但證實消息後,即刻上通宵巴士由新界趕去港島,親身問大會點解,連諮詢都無,就將運動戛然而止?請問對得住我地 3rd Party 嗎?對得住每晚留守嘅各位嗎?

1936年,奧運會重辦火炬傳遞,當年的火炬手,跑山路將聖火從希臘帶回柏林,為甚麼今日我地唔可以接力,代替大聯盟將佔領維持,適當時候再宣佈結束?

我地感覺:好似兩年前,有「民主政客」話劃左2012雙普選就唔得!但最後佢走左入去西環,我地原來係弱智,上晒賊船!

大會哭訴話好辛苦,實情佢地每晚讓樂隊,表演到三更半夜。中學生原本將課本、文具搬入帳篷,日間番學;晚上佔領做功課,結果都唔得! 依家大本營無埋,講咩罷課就義教??

10日嚟,大家自發洗廁所、執垃圾、搬物資,顯示何謂公民參與同教育,結果台上一句話,將所有努力作廢...

梁振英宣佈取消「3年開展期」,但教材、撥款已有,未即係星期一學校可以開科攞,訓醒未呀。特首希望集會完結,依家做到啦 ~

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️metroride.hk/ServiceScope

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 19567
Date: 2012-09-09 06:45:12
Generated at: 2020-02-25 09:26:14
Permalink: https://www.vjmedia.com.hk/articles/2012/09/09/19567/大會,你對唔對住我地呀?