ATV 笑點之集會舉牌

「開放天空」:網站Facebook Page

本報收到以「從速批准三個免費電視節目服務牌照的申請」為宗旨的組織「開放天空」爆料,內容有關亞洲電視將於本週日(11月11日)在政總門外集會的標語。

香港都算有言論自由,本來議題有正反意見無所謂,「開放天空」爭取批准拍照,有人因為既有利益而反對,是人性使然,要_人,人地都可以唔理你。

話說亞視前身「麗的映聲」及「麗的電視」(英語:Rediffusion (Hong Kong) Limited,官方英文簡稱RTV)於1957年5月29日正式啟播,是香港首間電視台,更是華人地區第一個電視台;把維基有關ATV的創業歷史貼出來,真係擲地有聲。

之但係看看亞視的動員電郵附帶的口號列表,令人不禁失笑。

「反對增發免費電視牌照」,無問題架WOR~~亞視咁多年基業,當然要保護自己啦係咪?OK架WOR~動員群眾支持自己既立場嘛~~~咪鬥晒馬囉~~

至於「支持亞洲會」1、「支持亞洲電視」、「亞洲電視 穩步向前」、「亞視55周年」?咩事呢?同個議題有咩關係呢?

從動員既角度,當然係招攬有共同利益既人企埋同一陣線,然後晒馬製做輿論逼公權讓步啦~~邊個都係政府「坐行留」不發牌的既得利益者呢?當然係TVB 啦,但係上述標語呢?ATV 竟然高調只捧自己,完全將有可能招攬既TVB ,在論述上將佢地拒之門外。

最後一句先傻的嗎,「ATV TVB收視人口四六開」2,哇~~亞視早排先有人聲稱「特殊觀眾群」破紀錄0收視,令人以為做緊神功戲,現在大言不慚同TVB 「四六」開,係四六呀~係平反了的六四呀,點呀你~~~?

本報建議大家帶備相機,星期日到政總門口參觀ATV 既大型集會,一睹呢D 標語之餘,還要留到最後,聽埋最後呢句壓軸SLOGAN:

 

總括而言,在亞視眼中,香港既未來,就係佢地亞視壯大同埋繼續壟斷電視廣播大氣電波。張家輝講得好:

 

「仆你個街,亞視嚟嘅喂!」

 

http://www.youtube.com/watch?v=09ih3R9JSrU&hd=1

「開放天空」:網站Facebook Page

  1. 求高人指點呢個係咩會:o)
  2. 經讀者提點,我地終於知道佢想點:人地亞視o係深圳河以北咁多觀眾,有四有咩出奇丫~

作者:《輔仁媒體》編輯組

《輔仁媒體》編輯組
《輔仁媒體》編輯組由一班熱愛香港的人組成。我們堅信,每個人都是平等的,天賦和際遇不同,在特定的時空地域,才出現優劣和成敗。我們批判叢林資本主義和官僚資本家專政,提倡公民平權、民主憲政、均富共榮。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 23557
Date: 2012-11-08 23:16:14
Generated at: 2019-02-17 08:58:11
Permalink: https://www.vjmedia.com.hk/articles/2012/11/08/23557/atv-笑點之集會舉牌