民主黨點解未表態支持彈劾，就不在此文的討論之列，恆信者恆信，不信者恆不信，講多都無謂；至於公民黨呢？從年初公民黨梁家傑對彈劾曾蔭權發表的文章所見呢，就係受「大狀黨」的包袱所累啦；對於大狀來講，一見到法律條文，就一定係從法律去思考條文的意思，例如基本法 73 條 (9)，見到「嚴重違法或瀆職行為」呢，就會諗乜野叫做「嚴重違法」或者「嚴重瀆職」啦；下一個問題，就係究竟目前有冇足夠的「嚴重違法」證據或者「嚴重瀆職」證據呢？如果未有，佢地因為法律原則而有所顧慮，正如佢地對外傭案的取態一樣，又係唔係可以用某些人的「投共了」或者「冇膽」來總結呢？