如何用語言偽術令女友heart broken

（photo via cc Flickr user Skley）

在房間內，情侶James和Emily正在吵架。

James：求你原諒我啦，好嘛？

Emily：Come on James！可不可以成熟一點呢？你又比我發現去偷食，仲有咩好講？

James：我一向開誠佈公，你有咩想問？我全部老實答你。

Emily：上年已經發現你偷食，點解你講大話都唔講得好D，我已經一直隻眼開隻眼閉。

James：果陣第一次偷食，唔知道點先可以暪天過海。

Emily：點解你要呃完我一次又一次？

James：我一向都keep住有偷食，但今次係我呢個月第一次比你發現，所以唔知點做都好正常。

Emily：你老老實實答我，出面仲有幾多女人？

James：我要翻查一下資料。

Emily：你幾時先肯同佢地全部斬纜？玩下ons咪算，點解仲要拖？

James：次次偷完食都即刻斬纜，D女會處理唔切，所以偷完食唔一定要即斬，可以食多幾次先。

Emily：你要偷食都行遠D，之前仲同我個friend搞埋一齊。

James：我地無上床，我同佢偷情呢回事並不存在

Emily：你仲要帶埋其他女返屋企搞！

James：偷情地點一向由佢地處理。

Emily：（係櫃桶拎左對爛左既絲襪出黎）你搞女人搞到連罪證都留低埋！

James：絲襪係上一手遺留落黎既，我會盡快處理，以及係適當時候向你交代絲襪的事宜。

Emily：你諗住點補鑊？

James：我當前的認知呢，精射左，套dum左，條女number刪左，偷食的問題就唔存在。

Emily：你比D誠意好無？

James：我好有誠意，如果有人阻住我追返你，我要 “shout at them“

Emily：你肯即刻娶我，我考慮下原諒你。

James：結婚同唔結婚有好大既討論空間。

Emily：（憤怒mode，下刪一千字。）

作者：婷欣

你好，我係風月亭亭長：）

閱讀後覺得好，請多多讚好及分享～：）