今朝我如常帶住我疲累既軀殼搭地鐵番去馬料水大學上8半。 係官塘站月台就見到呢一對老夫婦， 伯伯佢已經年紀老邁，但仍然堅持帶埋佢行動不便坐輪椅既老伴出街。月台同列車之間既空隙對於呢對老人家黎講，其實係同未填海前水深廣闊既維港無咩分別。
但眾所周知， 相信大家都知道港鐵無障礙設施既水平同呢一間公營企業既龐大純利之間係完全無關係既，月台同列車既高低唔係搵個職員真人實時嗌吓咪就可以解決到。而港鐵既月台助理既主要職責只係負責舉牌叫人唔好衝閘， 唔知如果佢地放低個牌黎幫手會唔會比港鐵話係壇離職守呢？（我呢段說話並無意針對前線港鐵既前線員工， 純料只係想指出港鐵既月台措施係幾咁反智。 我係伯伯上車附近既幾道門都見唔到有港鐵職員， 而我亦相信港鐵職員如果見到乘客需要幫助都一定會上前幫忙。）
對唔住好似離左題，其實我都係想講番對公公婆婆。咁呢位伯伯想用後拉式既方法將婆婆拉上車，但以佢柔弱既身體當然無能力可以順利咁拉到婆婆同佢部輪椅上車啦。咁我緊係即刻下放低手上既筆記上前幫伯伯一齊拉啦，但當但我用力一拉既時候，我發覺伯伯真係完全發唔到力去拉婆婆上黎，但佢依然好盡力咁拉。結果我同伯伯好狼狽咁係地鐵閂門之前拉到婆婆上車。個伯伯同我講左聲唔該之後，我再望望全車人既目光，竟然部都係漫無目的咁發呆或者聚精會神咁望住自己既智能手機。此時此刻，情何以堪？
奇怪事情就發生左啦，係全程車上面，婆婆望都無望過伯伯一眼，更加無出過一粒聲，而伯伯就靜靜咁扶住張輪椅。我當初仲以為公公婆婆佢地過左咁多年已經有晒默契，不說一話都知道對方既意思。但過左幾個站之後，伯伯見到有位想坐低休息一下，佢同婆婆講左一聲，之後就行去坐左個個位，但個婆婆依然都冇理過伯伯一下。我望望伯伯既表情，再望一望婆婆神情呆滯既目光，我諗我大概都知道婆婆應該老到唔太認得伯伯，但又應該都知道伯伯係佢唯一可以信任既人。見到伯伯離遠咁望住婆婆個背影個個樣，心中既是欣喜，又感到有點戚戚然。
我欣喜既係見到伯伯對婆婆個份愛真係無微不至：伯伯咁辛苦都要帶佢最深愛既伴侶坐地鐵出去，唔想行動不便既佢一個人屈係屋企發悶。呢種感動，就好似大家早幾日第一次睇到鐵達時 Time is Love 2012 既廣告咁樣，呢份真愛係觸動到心入面核心既核心。但令人戚戚然既唔係無人手上去幫伯伯手，而係腦退化症可以殘忍到令一個人連自己既最愛都唔認得？我估呢對公公婆婆就算無鑽禧都應該有金婚，佢地可以一齊經歷過順境逆境到而家老左一齊迫地鐵，其實真係好難得。亦不禁慨歎而家好多情侶已經無左以前上一輩對愛個種認真。
到左九龍塘站，公公婆婆要落車了。我想上前幫伯伯手一齊推婆婆出去，但伯伯向我搖搖頭，睇黎佢好似想靠自己咁。雖然過程中張輪椅仍然都係月台同列車之間既空隙糾纏左一陣，但最後都有幾位月台上等車既乘客幫呢對老夫婦落車。見到呢個畫面，真係令人覺得愛真係好偉大。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2012年12月6日
