（原載於：http://relgitsjg.xanga.com/770295168/item/
作者FACEBOOK 帳號：https://www.facebook.com/relgitsjg.gjstigler
HKO原人圈FACEBOOK PAGE
［題材獨特，慎入］辦公室七不思議事件（一））
此系列居然成為季度佈告。
內容為根據真人真事所作。咁究竟係真人真事，定係作既？你睇得開心就得拉。
會議室仍舊有我，大力，Nelson，安祖，秀英。
「好你老母」大家笑到仆街。
冷不防串鳩大力。「大力，你新黎個見習拜仁上個星期約食例行午飯，我收撚左四個電郵，洗左我版喎。」
「下？我收到兩封渣喎。你點解會收到四個？」大力一臉驚慌。
「第一個話去IFC龍景軒食飯，然後有條openrice既連結。龍景軒使乜連結？搭電梯落去就係。一睇個電郵，個distribution list 錯左。只係發左俾對上個星期有去個幾個人。你地個個都冇去，無收到。連大老闆都冇，真係唔識死。
不過知錯能改，善莫大焉。無幾耐就收到第二封。收件人終於齊腳，呢個你地咪收到。
點知，原來個條開飯既連結，一開係去ICC龍璽，龍景軒變龍璽，米芝蓮三星變無星，真係呆左。公司生意唔好，IPO 仆晒街，成交又弱，都唔使咁虐待自己。不過，我安慰自己，咁都好，起碼開出黎唔係141。」
「乜野係141？」
眾人中年紀最大，結左婚生左仔既 秀英，一臉純真地問。
一班麻甩佬陰陰咀笑。安祖知我地講緊乜，眼角厲左我一眼。
「你返屋企問你老公。或者索性係佢個chrome 度按『141』，我估你老公去過呢個西。」
我心諗，你老公何止去過呢一個西？
「再唔係你試下按個『T』字，可能會有意外驚喜。」Nelson 賤笑。人類黎講，無見過人淫笑個陣賤得過佢。
「咁好拉，又唔知邊個話佢知個連結唔啱，咁拜仁咪又發過。呀你老味呀，佢用返第一個電郵個distribution list 出，即係又錯。屌你，一個朝早，十點未過，我已經收到三個電郵，約同一班人約食同一餐飯。所以第一同第三封電郵大家係冇既。
跟住無幾耐，佢終於搞清楚條連結同埋distribution list。不過已經發左四封電郵。個日食飯既事，大家都知拉。」
「下，我無去唔知喎。即係點？」難得秀英四十幾歲人，仔都生埋，仲可以保持住天真的聲音同語氣。有時候我真係拎支棒球棍，對住佢後腦一野扑落去。問呀拉！問呀拉！
「好拉，上個星期三，終於食個餐飯。去到龍景軒，搵唔到個booking number 喎。呀，搞撚左半日，哦，原來佢訂左下個星期呀。訂撚左下個星期呀！哈哈哈哈哈，弱智無底線。」
「唔係呀嘛？」秀英一副驚恐既樣子。咦？點解我望到後面無端端有支棒球棍？支棍係咁呼叫我喎！
「係呀，世事就係咁離奇。結果一行十幾人，行黎行去都搵唔到位。添好運由年初一到年三十晚都好似Sogo 感謝祭咁。梅林、利苑、連subway 都狗屎咁多人，唔通去petite Amanda一人買一個芒果拿破倫食到膽固醇爆標咩。結果大家去can-teen 買飯盒返會議室食。挑，咪即係大家坐緊呢度。」
「哎呀，而家D年青人真係唔夠認真…」秀英喃喃自語。
「講起distribution list，早兩年有單野仲堅。」大力企圖轉移視線，等大家唔好再講佢條靚。
「以前老闆咪好鍾意約埋大家一齊慶祝生日既…講清楚D 應該係等大家有個機會可以同佢慶祝生日。五十歲未結婚既女人真係好寂寞。啊，應該咁講，係五十歲離左婚既女人真係好麻煩。咁辣，連老公都頂佢唔住佢同個仔走左佬…」
「不過你唔好理，一班擦鞋仔每年都係等個日可以狂擦。」我插咀。「係拉。咁當年話說有個新入黎既細路爭住搞生日會，諗住俾個驚喜老闆。
唉呀，仆你個臭街，點解我會提起亞視黎？以前老闆同我講過，話早三五年亞視想執靚盤數上市。我心諗咪撚玩拉，執靚？執笠就有佢份。你睇下佢近排做既野，人類邊有可能阻止到亞視既滅亡？
好咧。咁算拉，你知老闆鞋呢D 野好多人想擦。咁到左個日，佢下午三四點，發左個電郵俾 所 。有 。人 。叫佢地去會議室開生日會。噢屌，咪又係呢個會議室。點知…嘩哈哈哈哈…」
大力自己係度傻笑。
「好快D講咧喎。」天真既秀英又出動。「嘩哈哈哈哈…點知個仆街仔…佢貪快係電郵系統『to』個度，打左個『all』字。 諗住即係俾晒香港公司所有人..。
哈哈哈，點知打all，個電郵會發俾集團全世界所有員工。真 。係 。有 。所 。有 。人 。結果全宇宙都收到個電郵叫大家去會議室開生日會。哈哈哈哈哈哈，我懷疑係火星既同事都收到呀。
試想下你係倫敦準備開市，係analyst meeting中途，仆街無撚端端有個中國仔發電郵叫你去44樓會議室開生日會，真係what the fuck!」
Nelson又哈哈大笑。「其實個陣我已經入左黎，不過係紐約總公司。出電郵個陣我訓緊覺，俾個黑莓震醒。個排開始聞到美國樓市有燶味，成個人處於緊張狀態，所以只有發俾全宇宙出既電郵有振動。一震，一驚；一睇，一屌。
香港班含家剷做乜撚呀？你地知唔知公司就黎仆街？仲生日快樂？」
成個會議室既人都大笑。我接力。
「最重要係，個電郵group chairman 同 ceo，大中華區高層全部都收到。前老闆好快收到region director既電話，第一句就係『操你娘兒，你幹什么兒？」
事情突然變得唔撚好笑。
「跟住金融海嘯，前老闆第一個俾人叫起身。我地當時話肯定同佢叫人一齊開生日會有關。」
眾人都你眼望我眼。仆街，條靚發錯一個電郵，真係最後連工都冇埋。「結果連搞電郵系統班人都炒鳩埋。班美國佬自己搞撚左個海嘯出黎，結果其他人死撚晒。你知唔知道指差十幾個巴仙就返到高位；難為恒指仲有成半呀陰公。」
「經一事，長一智。而家你返去試下，電郵無左to all 呢個芬唇嫁拉。只有regional director 級或以上既人先可以有呢個芬唇。入黎做野既小朋友，成日以為約同事食餐晏，好無聊，好低能。
大佬，做野係一層層咁做上去，你估個個蔡加讚咩。」
我知道秀英會問邊個蔡加讚，所以繼續講 : 「見微知著。如果連低層次既野都做唔掂，甩甩漏漏，人地點俾大野你做？直接俾個Greater China CEO你做好唔好？」
結果個個都係「美美美國哈佛大學…仲有英國劍劍劍橋大學…」結果個個都係雙食屎學位..。
「前兩年之嘛，咪有同行有四隻窩輪計錯價，將結算價方程式符號由「除」變「乘」，一局輸左兩億。」安祖插咀。
「哦，個單野~」「有傳說話，事後佢地做返內部審核，追查下發現就係個暑期見習打錯左個乘號同除號。嘩，一子錯，滿盤皆落索呀。真係唔知條細佬一世人搵唔搵到兩億。咁當然佢阿頭，同對上一系列既人都有責任。結果條見習即炒，佢對上既人，個年花紅扣半。」
錢就事少，據聞個班友俾行家笑到面黃呀，仲幫佢地改左個名叫懵盛盛呀。
呢D低級錯誤，小時候犯，無乜所謂；淨係影響到自己，無乜所謂。真係差以毫釐，謬以千里。大佬我地秒秒鐘幾十萬上落架。
「咁之嘛，再低能既都仲有。」Nelson 又爆料。
「我個日叫阿拜仁哥update 份analyst briefing，有字有表有圖。拎住份document 睇下睇下，屌你點解幅圖係舊既？D 數淨係去到2000年，你不如幅圖去返200B.C.，耶穌出世前呀笨。拿拿臨的條友問。你知唔知拜仁哥點答？」
「佢話：
嘩哈哈哈哈哈哈哈哈！！！！！！「嘩！呢個拜仁玩捉字蚤，有資格做特首。咳咳咳咳咳~~~」我幾呼俾支煙濁死。
「咁我梗係慶到爆拉。份briefing 去regional headquarter，俾人見到我用舊圖，仲得了。的個含家剷去炳。」
「仆街佢成份野我幫佢做過都算，連張圖都要我幫佢搞埋，唔撚係呀嘛。最仆街係條死仔夠膽駁咀。小既野做唔到，大既野又做唔黎，仲要駁咀。」
講到最後我話：「你返工用下個腦得唔得？」
跟住條友忍唔住，衝左出去喊。
「你真係衰。」我話。
「喂，大佬，問佢可唔可以用下個腦已經好俾面。仲想點？」
又是一陣笑聲。幾時會有人黎投訴我地？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2012年12月11日
