鼠王流華之事章

孟子<<<好似關佢事（網絡廣傳圖片）

齊宣王問：「鼠王芬流肛華幫低下階層嘅事，你聽過未？」
孟子答：「無啵，呢啲咁嘅人做過乜，我無興趣知啵。咁嘅話，不如講吓你可以點幫人好過啦？」

齊宣王話：「點樣？」

孟子：「做好自己能力範圍嘅，人人都有能力令社會更加美好！」

齊宣王就話：「我都得？！」

孟子：「Sure啦。」

齊宣王問：「Really？」

孟子：「我聽你個friend講，你有日行行吓街，有個呀婆推住車紙皮行過；你見到佢，就話：『呀婆做咩？』你個friend就話：『執紙皮賣等開飯。』你就話：『吓？！我好唔忍心見佢又無力又手震。我哋買碗粥畀婆婆吔啦。』是咪真嫁？」

齊宣王：「係呀。仲有啲人睥睥下咁添～其實有幾出奇丫？係人見到呀婆一把年紀仲咁淒涼，都會唔忍心啦！幫到咪幫囉～～」

孟子：「你呢種就叫惻忍之心啦！啲人話你扮曬嘢，佢哋識乜春呀？呀婆為香港貢獻咗成世，竟然臨老連尊嚴都無，真係搞錯！呀之不過，點解你另又一方面鬧長毛班友搞搞震，小爆佢哋浪費公帑？政府出埋啲下三流茅招，你又走去熱烈地彈琴熱烈地唱？」

齊宣王O曬嘴理直氣壯咁話：「咩呀～～？＝o＝」

孟子笑笑口咁：「如果有條友話：『我嚟手就舉得起廿包金鳳八公斤，但係唔夠力拎起條羽毛；我老竇生咗條白頭髮我九丈遠都見到，但係就見唔到眼前大大碌柴。』你信唔信佢？」

齊宣王答：「有病咩？！梗係唔信！」

孟子就話：「咁家陣你愛心爆曬棚咁幫個呀婆，但又唔關心吓N咁多個老人家無生活保障，又何解呢？拎唔起條毛，係無用力；見唔到碌柴，係你無用心睇；街邊N個老人家踩汽水罐、喺垃圾筒摷膠樽鋁罐，你知唔知點解會咁？用個腦諗吓啦！」

作者：周回

驚醒了較為清醒的幾個人，就不能說沒有破毀鐵屋子的希望。 // 有人就問了，因為他們覺得很奇怪。你於是說，啊，啊，這個，這個，國籍嗎。你把身分證明書看了又看，你原來是一個只有城籍的人。

閱讀後覺得好，請多多讚好及分享～：）