（立法會直播截圖）
忍唔住啦，考緊mock都要打篇野黎讚下蔣小姐。
哇精彩到一個點，又引用字典，又回應其他人，又引用生活例子 － 「香港大部份男人都唔記得結婚周年紀念嫁啦」，增加共鳴。雙手放後面，不繼搖曳，聲音洪亮，最後加句所以我唔同意今日既彈劾動議，一睇就知係5**既材料。
同好假的肥仔有得揮。
well，不過蔣同學都有值得改善既地方。
第一，即係好心你背左份野先啦，成日睇紙，其實你對自己講既野有無信心？
第二，蔣小姐既表現真係欠缺平穩。如果八月同毓民既立法會選舉論壇可以有咁既表現，真係唔洗比人吹到啤一聲。個時真係，擦鞋都唔知主人係邊個。
其實我又真係好多點都唔係好明。
點解砌磚係人之常情？即係打爆呀媽支香水，癡番唔出聲就人之常情？
一個人忙邊記得咁多野？哇香港靠你咪死，一句唔記得簽左份野賣左香港咁點？
認真，城府好深既梁振英根本就無想過要比人發現，佢梗係講大話啦。
不過，蔣小姐真係叻到將死都咬番生。如果梁生下次再選連任 (touch wood)，羅范個位仲唔係你做？
係呀，蔣小姐講得岩，我地係要同舟共濟，同舟共濟守住我地既核心價值。
認真，我有少少掛住天真無邪既唐唐。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2013年1月9日
